سقو-نىڭ تايىنشا اۋدانىندا توتەنشە جاعداي جاريالاندى

سولتۇستىك قازاقستان وبلىسىنىڭ تايىنشا اۋدانىندا توتەنشە جاعداي جاريالاندى,

ەرىگەن قار سۋى دوبروجانوۆكا, كراسنايا پوليانا, چەرنيگوۆكا اۋىلدارىنا جايىلىپ, 8 ادام مەن 40 باس مال قاۋىپسىز جەرگە كوشىرىلدى. قاتتى اعىستىڭ باعىتىن بۇرۋ ءۇشىن تاسجولدى بۇزۋعا تۋرا كەلدى. سۋ دەڭگەيى ازىرگە 30 سانتيمەترگە كوتەرىلدى.

وعان شاعالالى قويماسىنىڭ سۋى كەلىپ قوسىلۋى مۇمكىن. بۇگىن تاڭەرتەڭ گيدرونىساننان سەكۋندىنا 90 تەكشە مەتر سۋ جىبەرىلە باستادى. وسىعان بايلانىستى ماماندار بوگەتتەردى نىعايتىپ جاتىر. وبلىس بويىنشا اپاتتىق-قۇتقارۋ شارالارىنا 150 بىرلىك تەحنيكا جۇمىلدىرىلدى. مۇرات قانعوجينوۆ, وبلىستىق تجد باستىعىنىڭ ورىنباسارى: — قازىر ءۋاليحانوۆ اۋدانىنا قاراستى قاراتال اۋىلىنا جول جوق. وندا قايىقپەن 3 قۇتقارۋشى كەزەكشىلىك ەتىپ جاتىر. بىراق سۋ باسۋ قاۋپى بايقالمايدى. سوندىقتان سول جاقتا جۇرگەن تۇركىستاندىق ماماندار شال اقىن اۋدانىنا اتتاندى.