جاڭالىقتار
«سويلەسىپ قويعانمىن, ۋايىمداما»: شەرزات ىسىندەگى سوت ۇزىلىسىندە قاتىسۋشىلاردىڭ ءوزارا ءسوزى جازىلىپ قالعان
الەۋمەتتىك جەلىلەردە 16 جاستاعى شەرزات پولاتتىڭ ولىمىنە قاتىستى سوت ىسىنەن قىزىقتى ءۇزىندى جاريالاندى, دەپ حابارلايدى Qandastar.kz اقپارات پورتالى.
@egovpress پاراقشاسىندا جاريالانعان ۆيدەودا پروتسەسس اياقتالعاننان كەيىن ءبىر ادامنىڭ جىلاپ جىبەرە جازداعانى جانە كۋالىكتى دۇرىس بەردىم بە دەپ سۇراعانى ەستىلەدى.
«دۇرىس سويلەدىم بە?! ساعان كوپ سۇراق قويمايدى, سويلەسىپ قويعانمىن. ۋايىمداما!», — دەگەن سوزدەردى ەستۋگە بولادى.
وعان جاۋاپ رەتىندە الاڭداماۋىن, ءبارى بارلىق تاراپپەن الدىن الا كەلىسىلگەنى ايتىلعان.
الايدا, بۇل سوزدەردى قاي ايىپتالۋشىنىڭ ايتقانى بەلگىسىز.
