Jańalyqtar
Soltústik Qazaqstan oblysynyń eks-ákimi Samat Eskendirov bes jylǵa sottaldy
Foto: gov.kz
Soltústik Qazaqstan oblysynyń eks-ákimi Samat Eskendirov alaıaqtyq úshin sottaldy. Bul týraly qandastar.kz Stan.kz aqparat agenttigine silteme jssap habarlaıdy.
Samat Eskendirov úleskerlerdi aldap, jerlerin satyp jibergeni úshin sottalǵan.
“Jaýapker E. jáne basqa tulǵa nesıe alý úshin jalǵan jınalys hattamalaryn jasaǵan. Olar JShS qatysýshylarynyń kelisiminsiz Býrabaı aýdany turǵyndarynyń jer telimderin kepilge qoıǵan. Bir top adamdar aýyl turǵyndarynyń jer úlesterin zańsyz ıemdenip, enshiles kásiporynǵa jer ýchaskesin kepilge bergen jáne ıelikten shyǵarǵan. Nátıjesinde jábirlenýshilerge asa iri kólemde materıaldyq zalal keltirilgen. Bul áreket Qylmystyq kodekstiń «Adamdar tobynda aldyn ala sóz baılasý arqyly asa iri kólemdegi alaıaqtyq» retinde baǵalanady”, – dep málimdedi Aqmola oblysy Kókshetaý qalalyq sotynyń baspasóz qyzmeti.
Belgili bolǵandaı, eks-ákimniń kinási jábirlenýshiler, kýágerler, tintýler, tárkilengen tólem tapsyrmalary, saraptamalyq qorytyndylar jáne táýelsiz aýdıtordyń aıǵaqtarymen dáleldendi. Sot jaza taǵaıyndaý kezinde sottalýshyǵa qatań jaza taǵaıyndaýdy talap etpegen jábirlenýshilerdiń kópshiliginiń pikirin eskerdi.
«2023 jyly sot sheshimimen JShS quryltaıshylary jınalysynyń sheshimi jáne quqyqtardy úshinshi tulǵalarǵa berý týraly kelisim jaramsyz dep tanyldy. Osyǵan baılanysty, jer ýchaskesi jábirlenýshilerge qaıtaryldy. Aýyl turǵyndaryna keltirilgen materıaldyq shyǵyndy óteý týraly sot úkimi shyǵaryldy. E.-ge QK-niń 63-babyn qoldana otyryp, bes jylǵa shartty túrde bas bostandyǵynan aıyrý jazasyn taǵaıyndady”, – delingen aqparatta.
Eske salaıyq, aǵymdaǵy jyldyń jazynda Aqmola oblysynda Soltústik Qazaqstan oblysynyń burynǵy ákimi, eks-senator Samat Eskendirovke qatysty sot proesi ótip jatqany belgili boldy.
Buǵan deıin oblystyq sottyń baspasóz qyzmeti joǵary laýazymdy sheneýnikke qatysty istiń Kókshetaý qalalyq sotynda qaralǵanyn habarlaǵan bolatyn. Oǵan Qylmystyq kodekstiń «Alaıaqtyq» baby boıynsha qylmys jasaǵany úshin aıyp taǵylǵan edi.
