Солтүстік Македониядағы түнгі клубта 59 адам өрттен қаза тапты

Фото: ашық дереккөз

Солтүстік Македонияның Кочани қаласындағы «Pulse» түнгі клубында қайғылы оқиға орын алды, деп хабарлайды qandastar.kz

Түнгі сағат 3 шамасында, жергілікті «DNA» тобының концерті кезінде, пиротехникалық құралдарды қолдану нәтижесінде төбеге от тиіп, өрт шықты. Бұл кезде клубта шамамен 1500 адам болған. Өрт салдарынан 59 адам қаза тауып, 155 адам жарақат алды, олардың 18-і ауыр халде. 

Құтқарушылар мен полиция қызметкерлері оқиға орнында жұмыс істеп, зардап шеккендерді анықтауда. Құқық қорғау органдары төрт адамға, оның ішінде клуб иесіне қатысты, қамауға алу ордерін шығарды. 

Солтүстік Македония үкіметі жеті күндік аза тұту жариялап, осындай мекемелердегі қауіпсіздік шараларын күшейту үшін тексерістер жүргізуді жоспарлап отыр. Еуропалық Одақ пен көршілес елдер, соның ішінде Грекия, Болгария және Сербия, көңіл айтып, көмек көрсетуге дайын екендіктерін білдірді.