جاڭالىقتار
سوڭعى 18 ايدا مۇلكى بولماۋى كەرەك: «7-20-25» باعدارلاماسىنا وزگەرىستەر ەنگىزىلدى
فوتو: Pixabay.com
«7-20-25» باعدارلاماسىنا سايكەس, ەندى قارىز الۋشىنىڭ تەك سوڭعى 18 ايدا جىلجىمايتىن م ۇلىكتىڭ بولعان-بولماعانى تەكسەرىلەدى. سونداي-اق يپوتەكاعا ءۇي الىپ, اسكەري قىزمەتتە جۇرگەندەردىڭ نەسيەسىن كەيىنگە شەگەرۋگە مۇمكىندىك بەرىلمەك. ۇلتتىق بانك كەلەر جىلى باعدارلاماعا 100 ميلليارد تەڭگەگە دەيىن قارجى ءبولۋدى قاراستىرىپ وتىر. بۇل تۋرالى qandastar.kz 31-ارنانىڭ ينفورمبيۋرو باعدارلاماسىنا سىلتەمە جاساپ حابارلايدى.
1 قاڭتاردان باستاپ كۇشىنە ەنەتىن جاڭا ەرەجە بويىنشا قارىز الۋشى مەن ونىڭ جۇبايىنىڭ اتىندا سوڭعى 18 اي كولەمىندە ءۇي بولماۋى كەرەك. بىراق وتباسىنداعى ءاربىر ادامعا شاققاندا اۋدانى 15 شارشى مەتردەن اسپايتىن بولمە نەمەسە اپاتتى دەپ تانىلعان باسپانا شەكتەۋگە جاتپايدى. ول ءۇشىن جەرگىلىكتى اكىمدىكتەن انىقتاما الىپ, راستاسا بولدى. سونداي-اق اسكەري بورىشىن وتەۋگە كەتكەندەرگە دە جەڭىلدىكتەر قاراستىرىلعان.
“مەرزىمدى اسكەري قىزمەتتى اسكەري قىزمەتشىلەر يپوتەكا تولەمدەرىن قىزمەت ەتىپ جاتقان كەزىندە ودان كەيىن تاعى 60 كۇنگە كەيىنگە شەگەرە الادى. بۇل نورمالار باسپاناعا مۇقتاج ازاماتتاردى مەيلىنشە كوبىرەك قامتۋ ءۇشىن ەنگىزىلىپ وتىر”, – دەدى قۇب قارجى ۇيىمدارىن دامىتۋ دەپارتامەنتىنىڭ باس مامانى دياس قوجاحمەتوۆ.
وزگەرتىلگەن جاڭا شارتتاردى تۇرعىن ءۇي ساراپشىسى قايرات قوجانوۆ قولداپ وتىر. ول جاڭا ەرەجە باسپاناعا مۇقتاج جاندارعا كومەك بەرەدى دەگەن پىكىردە. جانە نارىقتاعى باعاعا ەشقانداي كەرى اسەرىن تيگىزبەيدى دەپ وتىر.
قازىر ءبىر عانا كەمشىلىگى بار. بۇل 25 ميلليونعا دەيىنگى باعدارلامانى قامتيدى, ەگەر ءسىز 26 ميلليوننىڭ ءۇيىن الساڭىز, قالعانىن 1 ميلليوندى ءسىز ءوز قالتاڭىزدان شىعاراسىز. ءبىر قىزىعى, بۇل – 2018 جىلدىڭ كۇزىندە پايدا بولعان باعدارلاما. سول كەزدەگى ءۇيدىڭ باعاسىنا, سول كەزدەگى ينفلياتسياعا نەگىزدەلىپ شىعارىلعان. قازىر بۇل جاڭا وزگەرىستەردى قاجەت ەتەدى”, – دەدى ساراپشى قايرات قوجانوۆ.
7-20-25 باعدارلاماسى 2018 جىلى ىسكە قوسىلعان. ازاماتتارعا نەسيە 25 جىلعا, 7% جىلدىق ۇستەماقىمەن بەرىلەدى. ۇلتتىق بانكتىڭ اقپاراتىنا سۇيەنسەك, وتكەن ايدىڭ قازانىنا دەيىن ازاماتتارعا 1 ميلليارد تەڭگەدەن استام قارىز بەرىلىپتى. ناتيجەسىندە 76 753 وتباسى باسپانالى بولعان.
