Sońǵy 18 aıda múlki bolmaýy kerek: «7-20-25» baǵdarlamasyna ózgerister engizildi

Foto: Pixabay.com

«7-20-25» baǵdarlamasyna sáıkes, endi qaryz alýshynyń tek sońǵy 18 aıda jyljymaıtyn múliktiń bolǵan-bolmaǵany tekseriledi. Sondaı-aq ıpotekaǵa úı alyp, áskerı qyzmette júrgenderdiń nesıesin keıinge shegerýge múmkindik berilmek. Ulttyq bank keler jyly baǵdarlamaǵa 100 mıllıard teńgege deıin qarjy bólýdi qarastyryp otyr. Bul týraly qandastar.kz 31-arnanyń Informbıýro baǵdarlamasyna silteme jasap habarlaıdy.

1 qańtardan bastap kúshine enetin jańa ereje boıynsha qaryz alýshy men onyń jubaıynyń atynda sońǵy 18 aı kóleminde úı bolmaýy kerek. Biraq otbasyndaǵy árbir adamǵa shaqqanda aýdany 15 sharshy metrden aspaıtyn bólme nemese apatty dep tanylǵan baspana shekteýge jatpaıdy. Ol úshin jergilikti ákimdikten anyqtama alyp, rastasa boldy. Sondaı-aq áskerı boryshyn óteýge ketkenderge de jeńildikter qarastyrylǵan.

“Merzimdi áskerı qyzmetti áskerı qyzmetshiler ıpoteka tólemderin qyzmet etip jatqan kezinde odan keıin taǵy 60 kúnge keıinge shegere alady. Bul normalar baspanaǵa muqtaj azamattardy meılinshe kóbirek qamtý úshin engizilip otyr”, – dedi QUB qarjy uıymdaryn damytý departamentiniń bas mamany Dıas Qojahmetov.

О́zgertilgen jańa sharttardy turǵyn úı sarapshysy Qaırat Qojanov qoldap otyr. Ol jańa ereje baspanaǵa muqtaj jandarǵa kómek beredi degen pikirde. Jáne naryqtaǵy baǵaǵa eshqandaı keri áserin tıgizbeıdi dep otyr.

Qazir bir ǵana kemshiligi bar. Bul 25 mıllıonǵa deıingi baǵdarlamany qamtıdy, eger siz 26 mıllıonnyń úıin alsańyz, qalǵanyn 1 mıllıondy siz óz qaltańyzdan shyǵarasyz. Bir qyzyǵy, bul – 2018 jyldyń kúzinde paıda bolǵan baǵdarlama. Sol kezdegi úıdiń baǵasyna, sol kezdegi ınflıaııaǵa negizdelip shyǵarylǵan. Qazir bul jańa ózgeristerdi qajet etedi”, – dedi sarapshy Qaırat Qojanov.

7-20-25 baǵdarlamasy 2018 jyly iske qosylǵan. Azamattarǵa nesıe 25 jylǵa, 7% jyldyq ústemaqymen beriledi. Ulttyq banktiń aqparatyna súıensek, ótken aıdyń qazanyna deıin azamattarǵa 1 mıllıard teńgeden astam qaryz berilipti. Nátıjesinde 76 753 otbasy baspanaly bolǵan.