Sot Depýtat Turlyhanovtyń balasyn 1,5 jylǵa túrmege otyrǵyzýǵa sheshim qabyldady

Kollaj: kursiv.media

Bostandyǵy eki jylǵa shektelgen Nurasyl Bolat aqyry qamaldy. Endi ol 1,5 jyl boıy jazasyn túrmede óteıdi, dep habarlady qandastar.kz kursiv.media silteme jasap. Almaty soty depýtattyń balasyn 17 aıǵa qaýipsizdigi orta kolonııaǵa jiberýge sheshim qabyldady.

Sot barysynda Nurasyldyń 12 qazanda tańǵy saǵat 4-te karaokege barǵany anyqtalyp otyr. Muny aıyptalýshy «dosymnan baqylaýshy-braslettiń qýattaǵyshyn alýǵa bardym» dep túsindirgen.

Osy ýaqytqa deıin Nurasyl Bolat jazasynyń alty aıyn ótep úlgerdi. Endi bir jyl bes aı 10 kún qalǵan edi. Probaııa qyzmetiniń ókili sottan qalǵan merzimin bas bostandyǵynan aıyrýǵa aýystyrýdy surady.

Qýandyq Bıshimbaevtyń isi boıynsha tanylǵan advokat Nazken Qusaıynova bolsa, Dáýlet Turlyhanovtyń ulyn bas bostandyǵynan aıyrmaýdy ótindi.

Sottalýshynyń ákesi Dáýlet Turlyhanov «sot sheshimine eshqandaı yqpal etpeımin, ulym jazasyn tolyq alýy tıis» dep málimdegen edi.

Úkim kesilgenge deıin Nurasyl Bolat áskerı bólimde bolǵan. Ol jaqtan da daý týdyryp, qashyp ketken edi. Ony dereý bólimge qaıtarǵan. Sot ony erkindiginen aıyryp, úı qamaqqa alǵan-dy. Buǵan qaramastan, Almaty kóshelerinde túnde qydyrǵanyn qoımaǵan edi.

Tóbeles úshin Nurasyl Bolattyń eki jylǵa erkindigi shektelse de, onyń Almatyda erkin qydyryp júrgeni, kóńil kóterý mekemelerinde otyrǵany týraly beınejazbalar tarady.

Qylmystyq atqarý júıesi komıteti talaptardy buzǵan úshin ony bostandyǵynan aıyrýǵa kúsh salatyny jóninde ýáde bergen.