جاڭالىقتار
سوت كارىم كوكىرەكباەۆقا قاتىستى اقتاۋ ۇكىمىنىڭ جويىلۋىن ءتۇسىندىردى
«قازسەلدەنقورعاۋ» مەملەكەتتىك مەكەمەسىنىڭ بۇرىنعى باسشىسى ك., ونىڭ ورىنباسارى ا. جانە پ.-عا قاتىستى قىلمىستىق ءىستى الماتى وبلىستىق سوتى اپەللياتسيالىق تارتىپتە قارادى.
الماتى وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى القابيلەرىنىڭ ۇكىمىمەن (كوپشىلىك داۋىسپەن) ا.جانە پ. قك 366-بابىنىڭ 4-بولىگى جانە قك 367-بابىنىڭ 4-بولىگى بويىنشا كىنالى دەپ تانىلىپ, 11 جىلعا باس بوستاندىعىنان ايىرىلدى.
ولار مەملەكەتتىك قىزمەتتە لاۋازىمداردى اتقارۋ قۇقىعىنان ءومىر بويىنا ايىرىلدى. ك. وعان تاعىلعان ايىپتار بويىنشا اقتالدى.
اپەللياتسيا
وبلىستىق سوت القاسى ءىستىڭ ماتەريالدارى مەن تاراپتاردىڭ دالەلدەرىن زەرتتەپ, ك-عا قاتىستى اقتاۋ ۇكىمىنىڭ كۇشىن جويدى.
سونداي-اق, اسا ءىرى مولشەردە پارا بەرگەنى جانە پارا العانى ءۇشىن كىنالى دەپ تانىلعان پ. مەن ا.-نىڭ سوتتىلىعى جويىلدى.
