«سوتتالاتىنىما سەنبەدىم»: مۇرات ءابدىلدا تۇرمەدەگى ءومىرى تۋرالى ايتىپ, سۇحبات بەردى

فوتو: ۆيدەودان كادر

الەۋمەتتىك جەلى ارقىلى تانىمال بولعان مۇرات ءابدىلدا اباقتىداعى ۋاقىتتىڭ قالاي وتكەنىن ايتتى, دەپ حابارلايدى Skifnews.kz اقپارات پورتالى.

اۋەسقوي سازگەر Qogam Dauysy پودكاستىندا سۇحبات بەرىپ, ءومىرىنىڭ وزگەرگەنىن ايتتى.

“مەن سوتتالاتىنىما سەنبەدىم. قولىما كىسەن سالعاندا قول-اياعىمدى سەزبەي قالدىم. ارتىق ايتقان ءسوزىم ءۇشىن سوتتالىپ كەتتىم. قازىر زاڭ قاتال. تۇرمەگە ءتۇسۋ ءۇشىن ادامدى ۇرىپ-سوعىپ, ءولتىرۋدىڭ قاجەتى جوق. بىرەۋدى بالاعاتتاعانىڭ ءۇشىن دە ءىستى بولاسىڭ. بىراق وسى جاعداي مەنى وزگەرتتى. مۇنىڭ دا قايىرى بار دەپ ويلايمىن. بارلىعى بىلەدى, مەن ىشەتىنمىن. ال تۇزەتۋ مەكەمەسىندە اراق-شاراپ جوق. سوندىقتان ەكى جارىم جىل قانىم تازا بولدى, ىشكەن جوقپىن. بوستاندىققا شىققان سوڭ دا وزىمە دەگەن سەنىمدىلىك پايدا بولدى, ىشكەن جوقپىن. اللانىڭ قايىرلى ءبىر ءىسى سول بولدى”, – دەدى جەلى جۇلدىزى.

سونىمەن قاتار اۋەسقوي ءانشى اباقتىدا وتىرىپ, جالقاۋلىقتان ارىلعانىن دا ايتتى.

“بوستاندىقتا جۇرگەن كەزىندە دۇنيە قۋىپ, پلاگياتقا, جالقاۋلىققا, وتىرىك ىستەرگە ۇيرەنىپ قالعان ەدىم. ءوزىم اقىن بولعان سوڭ كەز كەلگەن شەتەلدىك انگە ءسوز جازىپ, ستۋدياعا بارىپ, جازدىرا سالاتىنمىن. بىراق مەن نەگىزى كومپوزيتورمىن. قازاق ەلى مەنىڭ كومپوزيتور ەكەنىمدى بىلەدى. 22 ءانىمىڭ بىرەۋى وزىمدىكى. سول جاققا بارىپ, اللانىڭ قالاۋىمەن 95 ءان شىعارىپ قايتتىم. ەشقانداي پلاگيات ەمەس, قازاقتىڭ ءبىر جىگىتىنىڭ شىعارعان ءانى دەپ بىلسەڭىزدەر ەكەن. ءسوزىن دە ءوزىم جازدىم. قىركۇيەك ايىنىڭ سوڭىندا «ماعان ۇنايسىڭ» دەگەن كەرەمەت ءانىمدى سىزدەرگە ۇسىنامىن», – دەدى مۇرات ءابدىلدا.