«Sottalatynyma senbedim»: Murat Ábdilda túrmedegi ómiri týraly aıtyp, suhbat berdi

Foto: vıdeodan kadr

Áleýmettik jeli arqyly tanymal bolǵan Murat Ábdilda abaqtydaǵy ýaqyttyń qalaı ótkenin aıtty, dep habarlaıdy Skifnews.kz aqparat portaly.

Áýesqoı sazger Qogam Dauysy podkastynda suhbat berip, ómiriniń ózgergenin aıtty.

“Men sottalatynyma senbedim. Qolyma kisen salǵanda qol-aıaǵymdy sezbeı qaldym. Artyq aıtqan sózim úshin sottalyp kettim. Qazir zań qatal. Túrmege túsý úshin adamdy uryp-soǵyp, óltirýdiń qajeti joq. Bireýdi balaǵattaǵanyń úshin de isti bolasyń. Biraq osy jaǵdaı meni ózgertti. Munyń da qaıyry bar dep oılaımyn. Barlyǵy biledi, men ishetinmin. Al túzetý mekemesinde araq-sharap joq. Sondyqtan eki jarym jyl qanym taza boldy, ishken joqpyn. Bostandyqqa shyqqan soń da ózime degen senimdilik paıda boldy, ishken joqpyn. Allanyń qaıyrly bir isi sol boldy”, – dedi jeli juldyzy.

Sonymen qatar áýesqoı ánshi abaqtyda otyryp, jalqaýlyqtan arylǵanyn da aıtty.

“Bostandyqta júrgen kezinde dúnıe qýyp, plagıatqa, jalqaýlyqqa, ótirik isterge úırenip qalǵan edim. О́zim aqyn bolǵan soń kez kelgen sheteldik ánge sóz jazyp, stýdııaǵa baryp, jazdyra salatynmyn. Biraq men negizi kompozıtormyn. Qazaq eli meniń kompozıtor ekenimdi biledi. 22 ánimiń bireýi ózimdiki. Sol jaqqa baryp, Allanyń qalaýymen 95 án shyǵaryp qaıttym. Eshqandaı plagıat emes, qazaqtyń bir jigitiniń shyǵarǵan áni dep bilseńizder eken. Sózin de ózim jazdym. Qyrkúıek aıynyń sońynda «Maǵan unaısyń» degen keremet ánimdi sizderge usynamyn», – dedi Murat Ábdilda.