«Sporttyq mansabyn aıaqtaıdy»: Ábıbanyń eshkimge tis jaryp aıtpaǵan syry ashyldy

Foto: ınstagram @abiba48

Parıj Olımpıadasy aıasynda ótip jatqan dzıýdo básekesinde júldege bir taban jete almaı qalǵan Ábıba Ábýjaqynovanyń bapkeri Nurbol Súleımenov dzıýdoshynyń osy ýaqytqa deıin eshkimge tis jaryp aıtpaı kelgenin jospary bolǵanyn jetkizdi, dep habarlaıdy Bugin.kz portaly.

«Jeńilip qalǵannan keıin bir kúnge deıin eshkimmen sóılesken joq. Jylaı berdi. Men de eshteńe aıtpadym, sóılespedim. Ondaı kezde birdeme aıtýdyń ózi artyq. Ertesi ǵana ashýy basylyp, óz-ózine kelgennen keıin ǵana sóılestim. Qazir kóńil-kúıi durystalyp qaldy», – dedi bapker.

Ábıba Ábýjaqynovanyń bapkeri shákirtiniń syrymen bólisti.

«Ábıbanyń óziniń osyǵan deıin eshkimge aıtpaı kele jatqan jospary bolǵan. «Eger osy Parıjde júldege qol jetkizip, chempıon bolsam, sporttyq mansabymdy aıaqtaımyn» degen. О́kinishke qaraı, ol jospary oryndalmady. Endi búgin sóılessem, «aǵa, men bári bir, Olımpıada júldesin almaı sportpen qoshtaspaımyn» dedi. Negizi Ábıba óte namysshyl qyz. Qaısar qyz», – dedi bapkeri Nurbol Súleımenov.

Eske salaıyq, buǵan deıin Ábıbá Ábýjaqynova áleýmettik jelidegi paraqshasynda jazba jarııalap, eldi tánti etkenin habarlaǵan edik.