ستامبۇلدا RAMS Qazaqstan قولداۋىمەن ديماش قۇدايبەرگەننىڭ مەرەيتويلىق كونتسەرتى ءوتتى

كونتسەرت باستالعانعا بىرنەشە ساعات قالعاندا كورەرمەن كونتسەرت وتەتىن ورىنعا – بەشىكتاش اۋدانىنداعى «تيۋپراش» ستاديونىنا جينالا باستادى.

ستاديوننىڭ سىيىمدىلىعى – شامامەن 42 مىڭ ورىن. ساۋداگەرلەر ديماشتىڭ اتى جازىلعان جولاقتار, ونىڭ سۋرەتى بەينەلەنگەن جەيدەلەر, فوتوسۋرەتتەر جانە باسقا دا سۋۆەنيرلەر ساتقانىن بايقادىق. قازاقستاندىق تىڭدارمان بىردەن كوزگە ءتۇستى – ولاردىڭ كەيبىرەۋى كونتسەرتكە ەلىنىڭ تۋىن الىپ كەلگەن ەكەن. ديماش قۇدايبەرگەن ونەرىن كوپشىلىك ءسۇيىپ تىڭدايتىن اندەرمەن باستادى. اندەر قازاق, اعىلشىن, تۇرىك جانە قىتاي تىلدەرىندە شىرقالدى. كەش قوناقتارىنىڭ اراسىندا قازاقستاندىقتار مەن جەرگىلىكتى تۇرعىندار عانا ەمەس, سونىمەن قاتار گەرمانيا, ارگەنتينا, يتاليا, ۇلىبريتانيا جانە باسقا ەلدەردەن كەلگەن تىڭدارمان بولدى.

يتاليالىق تىڭدارماندارىنىڭ ءبىرى ديماشتىڭ ونەرىن كورۋ ءۇشىن ارنايى ستامبۇلعا كەلگەنىن ايتىپ بەردى. قىز ديماشتىڭ قاي تىلدە ورىنداعانىنا قاراماستان, بارلىق ءانىن بىرگە ورىنداپ شىقتى. ەرەكشە توسىنسىي رەتىندە ديماشتى 30 جاسقا تولۋىمەن قۇتتىقتاۋ بولدى – ساحناعا ونىڭ ۇستازى مارات ءايتىموۆ جانە ءىس-شارانىڭ دەمەۋشىسى ءارى ۇيىمداستىرۋشىسى RAMS Qazaqstan قۇرىلىس كومپانياسىنىڭ نەگىزىن قالاۋشىنىڭ قىزى شىقتى. قالىڭ كورەرمەنەن بىرگە ولار ءداستۇرلى Happy Birthday ءانىن شىرقادى.