“ستۋدەنتتەر عانا ەمەس, قالا جاستارى دا بار“ – قازۇۋ جاپپاي توبەلەسكە قاتىستى تۇسىنىك بەردى

فوتو: ءال-فارابي اتىنداعى قازاق ۇلتتىق ۋنيۆەرسيتەتىنىڭ ءباسپاسوز قىزمەتى

قازاق ۇلتتىق ۋنيۆەرسيتەتى وقۋ ورنىنىڭ ماڭىندا بولعان جاپپاي توبەلەسكە قاتىستى تۇسىنىك بەردى, – دەپ حابارلايدى qandastar.kz Massaget.kz تىلشىسىنە سىلتەمە جاساپ.

ۋنيۆەرسيتەتتىڭ ءباسپاسوز قىزمەتى توبەلەس 2024 جىلعى 24 قىركۇيەكتە ساعات 02:52-دە پوپوۆ پەن بالزاك كوشەلەرىنىڭ قيىلىسىندا بولعانىن حابارلادى. جانجال ءال-فارابي اتىنداعى قازۇۋ اۋماعىنان تىس جەردە تىركەلگەن.

«جانجالعا قاتىسۋشىلاردىڭ اراسىندا تەك قازۇۋ ستۋدەنتتەرى ەمەس, سونىمەن قاتار قالا جاستارى دا بولعان. قازىر وقيعانىڭ ءمان-جايى انىقتالىپ جاتىر», – دەپ حابارلادى وقۋ ورنى.

ەسكە سالايىق, مۇنىڭ الدىندا ءال-فارابي اتىنداعى قازاق ۇلتتىق ۋنيۆەرسيتەتىندە جاپپاي توبەلەس بولعانى تۋرالى حابار تاراعان ەدى.