جاڭالىقتار
سۋ دەڭگەيى تۇسە باستادى
بۇعان قاراتومار قويماسىنان جىبەرىلەتىن سۋدىڭ كولەمى سەكۋندىنا 1100 تەكشەمەترگە دەيىن ازايتىلۋى سەبەپ. وسىلايشا تابيعي اپاتتىڭ بەلسەندى كەزەڭى اياقتالدى. بۇل تۋرالى وبلىس اكىمىنىڭ ورىنباسارى ارمان ابەنوۆ ايتتى.
قازىر وڭىردە ماتەريالدىق شىعىنداردى ەسەپتەۋ ءۇشىن كوميسسيا جۇمىس ىستەپ جاتىر. بۇگىنگى تاڭدا 587 وتباسى 50 ايلىق ەسەپتىك كورسەتكىش كولەمىندە بىرجولعى تولەمىن العان. ايماقتا قاۋىپسىزدىك شارالارىن نىعايتۋ مەن قىزىل سۋدىڭ سالدارىن جويۋ جۇمىستارى ءالى دە جالعاسىپ جاتىر. ارمان ابەنوۆ, قوستاناي وبلىسى اكىمىنىڭ ورىنباسارى: — بۇگىنگى تاڭدا وبلىس بويىنشا سۋ تاسقىنىنىڭ بەلسەندى كەزەڭى اياقتالدى. نەگىزگى سۋ قويمالارىندا ءبىز بىرتىندەپ سۋ اعىزۋدى تومەندەتە باستادىق. جوعارى توبىل, جەلقۋار سۋ قويمالارى بويىنشا سۋ اعىزۋدىڭ تومەندەۋى بايقالادى. مۇنىڭ سىرتىندا وزەندەردەگى سۋ دەڭگەيى دە تومەندەپ كەلەدى. توبىل وزەنىنىڭ باس جاعىندا 71 سمگە, ال ەدىل وزەنىندە 91 سمگە تۇسكەنى تىركەلدى.
