SÝ DEŃGEII TÚSE BASTADY

Buǵan Qaratomar qoımasynan jiberiletin sýdyń kólemi sekýndyna 1100 tekshemetrge deıin azaıtylýy sebep. Osylaısha tabıǵı apattyń belsendi kezeńi aıaqtaldy. Bul týraly oblys ákiminiń orynbasary Arman Ábenov aıtty.

Qazir óńirde materıaldyq shyǵyndardy esepteý úshin komıssııa jumys istep jatyr. Búgingi tańda 587 otbasy 50 aılyq eseptik kórsetkish kóleminde birjolǵy tólemin alǵan. Aımaqta qaýipsizdik sharalaryn nyǵaıtý men qyzyl sýdyń saldaryn joıý jumystary áli de jalǵasyp jatyr. Arman Ábenov, Qostanaı oblysy ákiminiń orynbasary: — Búgingi tańda oblys boıynsha sý tasqynynyń belsendi kezeńi aıaqtaldy. Negizgi sý qoımalarynda biz birtindep sý aǵyzýdy tómendete bastadyq. Joǵary Tobyl, Jelqýar sý qoımalary boıynsha sý aǵyzýdyń tómendeýi baıqalady. Munyń syrtynda ózenderdegi sý deńgeıi de tómendep keledi. Tobyl ózeniniń bas jaǵynda 71 smge, al Edil ózeninde 91 smge túskeni tirkeldi.