جاڭالىقتار
سۋ تاسقىنان قاتتى زارداپ شەككەن قۇلسارىدا اكىمدىك 1,8 ملرد تەڭگەگە بالالار ويىن الاڭىن سالماق
مەملەكەتتىك ساتىپ الۋلار سايتىنداعى دەرەكتەرگە سۇيەنسەك, قۇلسارى قالاسى اكىمدىگى تەندەر جاريالاپ, 2024 جىلدىڭ 26 ءساۋىرى كۇنى تاراپتار شارت جاساسقان.
شارت اتاۋىندا تۇرعىن ەمەس عيماراتتاردى نەمەسە قۇرىلىستاردى سالۋ بويىنشا قىزمەت كورسەتۋ ەكەندىگى جازىلعان. الايدا شارتتىڭ تەحنيكالىق سيپاتتاماسىندا قۇرىلىس الاڭى تۋرالى تولىق اقپارات جوق.
«ويىن الاڭىنىڭ نەگىزگى ماقساتى – بالالاردىڭ دەمالىسى مەن ويىن-ساۋىق ورنى رەتىندە قىزمەت ەتۋ. جارقىن, قىزىقتى بالالار ويىن الاڭدارى بالانىڭ بوس ۋاقىتىن ارتاراپتاندىرۋعا جانە ونى قىزىقتى وتكىزۋگە تاماشا مۇمكىندىك بەرەدى. ولار تەك ويىن-ساۋىق ەمەس, سونىمەن قاتار دامىتۋشىلىق, ءتىپتى تاربيەلىك مانگە يە», – دەلىنگەن حابارلامادا.
قۇلسارى قالاسى – سۋ تاسقىنىنان ەڭ كوپ زارداپ شەككەن ءوڭىردىڭ ءبىرى.
