جاڭالىقتار
سۋ تاسقىنى. 109-عا تىنىم جوق
پەتروپاۆلدا سوڭعى ءبىر تاۋلىكتىڭ ىشىندە سۋ تاسقىنىنا وراي «iKomek» بىرىڭعاي بايلانىس ورتالىعىنا 100-دەن استام قوڭىراۋ تۇسكەن. قالا بويىنشا 12 ۇيگە قارعىن سۋ جايىلعان.
شۇعىل شاقىرتۋلارعا كوممۋنالدىق قىزمەت ماماندارى شىعىپ, ارنايى كولىكپەن سۋ سورىپ جاتىر. سونىمەن قاتار ولار بىتەلىپ قالعان قۇبىرلاردى تازارتۋدا. كەشە وبلىس ورتالىعىندا جاڭبىر جاۋىپ, كەيبىر كوشەلەر ەرىگەن قار سۋىنا تولدى. اسەم ايتۋلوۆا, قالا اكىمىنىڭ ءباسپاسوز حاتشىسى: — قازىرگى تاڭدا 100-دەن استام ادام جۇمىلدىرىلعان قالا بويىنشا. 60 ارنايى تەحنيكا مەن 40 موتوپومپا وسى قالا بويىنشا جۇمىس ىستەپ جاتىر. جۇمىستاردىڭ ءبارى تاۋلىك بويى جۇرگىزىلەدى. قوڭىراۋلار دا تاۋلىك بويى قابىلدانادى.
