جاڭالىقتار
سۋ تاسقىنى: 35 مىڭ ۆولونتەر اتسالىسىپ ءجۇر
ەلدە تاسقىنمەن كۇرەس شارالارىنا 35 مىڭعا جۋىق ۆولونتەر اتسالىسىپ جاتىر. ايماقتاردا ەرىكتىلەردىڭ فرونت كەڭسەسى جۇمىس ىستەپ تۇر. مامانداردىڭ ايتۋىنشا, وندا كۇنىنە 100 شاقتى قوڭىراۋ كەلىپ تۇسەدى.
ۆولونتەرلەر تۇرعىنداردى ەۆاكۋاتسيالاۋ, ولارعا كەرەك-جاراق جەتكىزۋ, جاعالاۋدى بەكىتۋ جانە جۇمىسكەرلەردى ىستىق تاماقپەن قامتۋ شارالارىنا جۇمىلدىرىلعان. ەل اۋماعىندا 3 جارىم مىڭعا جۋىق توننا گۋمانيتارلىق جۇك جينالدى. ەرىكتىلەر ولاردى سۇرىپتاپ, تاراتىپ جاتىر. تيمۋر جۇمىرباەۆ, «اسسامبلەيا جاستارى» رقب توراعاسى: — اقتوبە وبلىسىندا 8 600 ۆولونتەر قىزمەت كورسەتىپ جاتىر.
اتىراۋ وبلىسىندا 9 مىڭنان استام, بقو-دا 5 مىڭعا جۋىق ۆولونتەر, قوستاناي وبلىسىندا 3 مىڭنان استام جانە سقو-دا 1600-دەن استام ۆولونتەر قىزمەت كورسەتىپ جاتىر. بارلىق وڭىردەن كەلىپ تۇسكەن قوڭىراۋلار, بارلىق وتىنىشتەردى قاجەتتىلىگىنە بايلانىستى ۆولونتەرلەر جەرگىلىكتى اكىمشىلىكتەرمەن بايلانىستا وتىرىپ, ماسەلەنى شەشۋدە جۇمىسى جالعاسا بەرەدى.
