SÝ TASQYNY: ASTANA JASTARY IGI ISKE ATSALYSTY

óńirine búgin taǵy 20 tonnadan astam gýmanıtarlyq kómek jiberildi

Igi iske «Astana jastary» jastar resýrstyq ortalyǵy men  qalalyq ekonomıkalyq tergep-tekserý departamenti muryndyq boldy. Volonterler úshin qazir qarbalas shaq. Myna qap-qap júkti jeke-jeke suryptap, tasqynnan zardap shekken óńirlerge jedel jóneltý kerek.

Ony «Astana jastary» resýrstyq ortalyǵynyń eriktileri atqarady. 500-den asa qyz-jigit qalanyń 9 aımaǵynda jylý jınaý jumystaryna jumyldyryldy. Aızat Álı, «Astana jastary» jastar resýrstyq ortalyǵynyń mamany: — Qostanaı oblysyna jiberdik, Qaraǵandy oblysyna keshe 2 gazel jiberdik. Taǵy da Aqtóbe oblysyna jiberdik. Búgin taǵy eki gazel daıyndalyp jatyr. Kóbinese kıilgen kıimderdi ákelip jatyr. Biz ondaı kıimderdi suryptap jatyrmyz, biraq sonda da kóp ákelmese.

Negizi kerek zattar – ol azyq-túlik jáne gıgıenalyq zattar. «Kóp túkirse – kól» degen. Eriktiler osy kezge deıin 600 tonnadan asa gýmanıtarlyq kómek jınaǵan. Búgin de azyq-túlik, tósek-oryn tıelgen kezekti júk kólikteri Qostanaı óńirine attanady. Asanǵazy Serǵazyuly, Astana Q. Ekonomıkalyq tergep-tekserý departamentiniń asa mańyzdy ister jónindegi jedel ýákili: — Bárimiz birge jınalyp, Astana jastarymen birige otyryp, sý tasqynynan zadap shegip otyrǵan ózimizdiń baýyrlastarymyzǵa múmkindigimizshe tamaqtardy jınap, ótkizip jiberip jatyrmyz. Bul «Biz birgemiz» degen sııaqty qazaq halqynyń bir-birine janynyń ashýy jáne árqashan kómek kórsetýge daıyn ekenin aıtqymyz keledi. Igi isten meshitter men jeke kásipkerler de shet qalmaǵan. Olar da jastardyń ıgi bastamasyn qoldap, el-jurtqa kómek qolyn sozyp jatyr.