SÝ TASQYNY. ÁÝE KÚShTERINE ǴANA SENIP OTYRǴAN AÝYL KО́P

Aqtóbe oblysynyń áskerı ushqyshtary apatty aımaqtan myńnan asa adamdy evakýaııalady. Sý basqan aýyl-aımaqtarǵa 19 tonnadan astam gýmanıtarlyq kómek jetkizdi.

Isine adal azamattar áýe kóligin basqarýda keıde belgilengen ýaqytty da elemeı, qaýipti aýmaqtarda da qutqarý jumystaryn júrgizgenin jasyrmaıdy. Qazir tikushaqtar shalǵaıdaǵy Oıyl aýylynyń turǵyndaryna kómekke keldi.

Rústem Jaılybaev – áskerı áýe kúshteri quramyndaǵy jas ushqysh. Kóktemgi tasqyn bastalǵannan beri sý basqan eldi mekenderdi aralap júr. Jaqynda óte kúrdeli qutqarý jumystaryn júrgizdi. Aınalada elektr baǵandary bolǵanyna qaramastan, tikushaqty áýede uzaq ustap, qystaqta qalyp qoıǵan jumysshylardy arqanmen tartyp alǵan.

Qutqarý operaııasy Oıyl aýdanyndaǵy qystaqtyń birinde ótti.   Rústem Jaılybaev, aǵa ushqysh: – Tikushaqtyń qonatyn jeri qaýipti boldy. Biraq soǵan qaramastan biz sol adamdardy qutqaryp aldyq. Olar sýdyń ortasynda, shóptiń ústinde 4 adam, 3 adam traktordyń ústinde qalyp qoıǵan. Basqa jerge bara almaǵan. Adamdar 4 kún sýsyz, tamaqsyz salqynda otyrǵan. Ushqyshtardyń erligi munymen shektelmeıdi. Qazir oblystyń shalǵaı Oıyl aýdanyna gýmanıtarlyq júk jóneltilip jatyr.

Sebebi aýdan ortalyǵy baǵytyndaǵy tasjoldy sý shaıyp ketken. Áskerıler bul joly 2 tonnaǵa jýyq azyq-túlik jetkizbek. Áskerı qyzmetshiler sý tasqyny bastalǵan ýaqyttan beri kúni-túni eńbek etip jatyr. Al sońǵy kúnderi oblystyń Oıyl aýylyna turaqty túrde gýmanıtarlyq kómek jetkizýmen keledi. Sebebi, aýdannyń eki aýylyndaǵy 300-den astam úı sý astynda qaldy. Al onyń turǵyndary qazir aýdan ortalyǵyndaǵy evakýaııalyq ortalyqtarda.  Oıylǵa sýǵa ketken eldi mekenderden myńnan astam adam evakýaııalandy. Basym bóligi áskerılerdiń arqasynda kóshirildi. Jasulan Dosqulov, Qaratal aýylynyń turǵyny: – Bizdiń tilegimiz endi tezdetip shyǵý. Shyqqanda qaıda baramyz, aýylǵa barǵanda úıimiz joq. Biz onda turǵymyz kelmeıdi, betimiz qaıtty. Byltyr da osylaı, bıyl da osylaı. Endi Qudaı biledi, ne bolatynyn. Bolsa bizge basqa bir tyń jerden Qumjarǵan sııaqty, ıá qala sııaqty bir jerden úı berse. Maldan aıyryldyq bárinen. Shyǵanaq Bersıev aýylyna da qajetti zattar tikushaqtarmen kelip jatyr. Qazir eldi mekende onǵa jýyq er adam qalǵan. Olar úılerdi qarap otyr.

Talǵat Kúljanov, T.Bıgeldınov atyndaǵy áýe qorǵanysy kúshteri áskerı ınstıtýty bastyǵynyń orynbasary: – 28-nen bastap, 150-den astam ushýlar ótti. 1100-den astam adam evakýaııalandy jáne 19 tonnadan astam gýmanıtarlyq kómek búkil aýyl-aımaqtarǵa jetkizildi. Ásirese, Oıyl aýdany jáne Yrǵyz aýdanyndaǵy Áıke degen, Qobda aýdanyndaǵy Kóktal, Kókúı degen sııaqty aýyldarǵa bardy jáne sol jaqtan adamdardy qaýipsiz jerge jetkizdi. Sý basqan aýdandarǵa tikushaqtardy jıi jóneltý jolǵa qoıylǵan. Bul rette tótenshe jaǵdaı qyzmeti, aýa raıyn boljaýshy mamandar jáne ózge de mekeme ókilderi birlese eńbek etip jatyr.