سۋ تاسقىنى باستالعالى بەرى 88 مىڭ ادام قۇتقارىلدى

ەلدە سۋ تاسقىنى باستالعالى بەرى 88 مىڭ ادام قاۋىپسىز جەرگە كوشىرىلگەن. ال ۋاقىتشا قونىستاندىرۋ پۋنكتەرىن 7 مىڭنان استام ادام پانالاپ وتىر. بۇل تۋرالى رەسپۋبليكالىق اقپاراتتىق شتابتىڭ بريفينگىندە ايتىلدى. توتەنشە جاعدايلار مينيسترلىگىنىڭ مالىمەتىنشە, قازىرگى تاڭدا اپاتتىق قۇتقارۋ جۇمىستارىنا رەسپۋبليكا بويىنشا 24 مىڭ ادام, 3 مىڭ تەحنيكا جۇمىلدىرىلعان. 8 ملن تەكشە مەتر ەرىگەن قار سۋ سورىلدى.

20 وڭىردە رەسپۋبليكالىق جانە وبلىستىق جەدەل شتابتار تاۋلىك بويى جۇمىس ىستەۋدە. ال جەدەل جەلىلەرگە 1200 قوڭىراۋ ءتۇسىپ, 84 ادامعا پسيحولوگيالىق كومەك كورسەتىلگەن. ەراسىل سايپاش قر تجم ازاماتتىق قورعانىس جانە اسكەري بولىمدەر كوميتەتىنىڭ اعا وفيتسەرى: — ەلىمىزدىڭ 8 وڭىرىندە – اقتوبە, قوستاناي, بقو, ۇلىتاۋ, اقتوبە, اقمولا, قاراعاندى, اتىراۋ, سقو وبلىستارىندا جەرگىلىكتى اۋقىمداعى 28 توتەنشە جاعداي جاريالانعان. تج مينيسترلىگى توتەنشە جاعداي كەزىندە ازاماتتاردى اسا مۇقيات بولۋعا, تاسقىن كەزىندە قاىپسىزدىك شارالارىن مۇلتىكسىز ساقتاۋعا, ۇيلەردەن جانە ەۆاكۋاتسيالىق پۋنكتەردەن رۇقساتقىز كەتپەۋدى ەسكەرتەدى.