سۋ تاسقىنى بولعان وڭىرلەردەن مىڭعا جۋىق بالا «بالداۋرەن» وقۋ-ساۋىقتىرۋ ورتالىعىندا دەمالدى

فوتو: وقۋ-اعارتۋ مينيسترلىگى

سۋ تاسقىنىنان زارداپ شەككەن ايماقتاردان 1000-عا جۋىق بالا «بالداۋرەن» رەسپۋبليكالىق وقۋ-ساۋىقتىرۋ ورتالىعىندا دەمالدى,– دەپ حابارلايدى El.kz اقپارات اگەنتتىگى. 

وقۋ-اعارتۋ مينيسترلىگىنىڭ مالىمەتىنشە, ورتالىقتا كەلەسى اپتادا جاڭا ماۋسىم باستالادى. بيىل جازدا بۇل ورتالىق 6000-نان استام بالانى قابىلدايدى.

رەسپۋبليكالىق وقۋ-ساۋىقتىرۋ ورتالىعى جازعى كەزەڭدە ارقايسىسى 15 كۇننەن تۇراتىن بەس اۋىسىم وتكىزەدى. ءاربىر اۋىسىم رۋحاني-ادامگەرشىلىك, پاتريوتتىق ءتاربي بەرۋ, بالالاردىڭ فيزيكالىق دامۋى سەكىلدى ءتۇرلى باعىتتاردى قامتيدى.

– بيىل جىل باسىنان ورتالىقتا 5800 بالا دەمالدى, ولاردىڭ 842-ءسى زارداپ شەككەن ايماقتاردان كەلگەن بالالار. كەلەسى اپتادا جاڭا ماۋسىمعا اتىراۋ جانە سولتۇستىك قازاقستان وبلىستارىنان تاعى 17 بالا كەلەدى دەپ كۇتىلۋدە. جازدىڭ سوڭىنا دەيىن سۋ تاسقىنىنان زارداپ شەككەن ايماقتاردان 1000-عا جۋىق بالانى دەمالىسپەن قامتۋ جوسپارلانىپ وتىر, – دەلىنگەن رەسپۋبليكالىق وقۋ-ساۋىقتىرۋ ورتالىعىنىڭ مالىمەتىندە.

ايتا كەتەيىك, سۋ تاسقىنى باستالعالى بەرى ءتۇرلى ەلىمىزدەگى رەسپۋبليكالىق ساۋىقتىرۋ ورتالىقتارىندا 1083 بالا دەمالدى. جازعى كەزەڭدە دەمالىسپەن تاعى 3,7 مىڭعا جۋىق بالا قامتىلادى.