Sý tasqyny bolǵan óńirlerden myńǵa jýyq bala «Baldáýren» oqý-saýyqtyrý ortalyǵynda demaldy

Foto: Oqý-aǵartý mınıstrligi

Sý tasqynynan zardap shekken aımaqtardan 1000-ǵa jýyq bala «Baldáýren» respýblıkalyq oqý-saýyqtyrý ortalyǵynda demaldy,– dep habarlaıdy El.kz aqparat agenttigi. 

Oqý-aǵartý mınıstrliginiń málimetinshe, ortalyqta kelesi aptada jańa maýsym bastalady. Bıyl jazda bul ortalyq 6000-nan astam balany qabyldaıdy.

Respýblıkalyq oqý-saýyqtyrý ortalyǵy jazǵy kezeńde árqaısysy 15 kúnnen turatyn bes aýysym ótkizedi. Árbir aýysym rýhanı-adamgershilik, patrıottyq tárbı berý, balalardyń fızıkalyq damýy sekildi túrli baǵyttardy qamtıdy.

– Bıyl jyl basynan ortalyqta 5800 bala demaldy, olardyń 842-si zardap shekken aımaqtardan kelgen balalar. Kelesi aptada jańa maýsymǵa Atyraý jáne Soltústik Qazaqstan oblystarynan taǵy 17 bala keledi dep kútilýde. Jazdyń sońyna deıin sý tasqynynan zardap shekken aımaqtardan 1000-ǵa jýyq balany demalyspen qamtý josparlanyp otyr, – delingen respýblıkalyq oqý-saýyqtyrý ortalyǵynyń málimetinde.

Aıta keteıik, sý tasqyny bastalǵaly beri túrli elimizdegi respýblıkalyq saýyqtyrý ortalyqtarynda 1083 bala demaldy. Jazǵy kezeńde demalyspen taǵy 3,7 myńǵa jýyq bala qamtylady.