سۋدان زارداپ شەككەن 22734 ادام ۇيىنە ورالدى

باتىس قازاقستان مەن اتىراۋ وبلىستارىندا سۋ تاسقىنىنىڭ ەكىنشى تولقىنى بولۋى مۇمكىن. قازىر ماماندار رەسەيدەن كەلەتىن جايىق وزەنىنەن قاۋىپتەنىپ وتىر.

وسى ساعاتتا 22 مىڭ 734 ادام ۇيىنە ورالدى. 8809 تۇرعىن, ونىڭ ىشىندە 3 828 بالا ەۆاكۋاتسيالاۋ پۋنكتتەرىندە جاتىر. اۆاريالىق-قۇتقارۋ جانە سۋ تاسقىنىنا قارسى جۇمىستارعا ازاماتتىق قورعاۋ قىزمەتتەرىنەن 36 484 مامان, 16 اۋە كەمەسى جۇمىلدىرىلدى. اسقار ءشارىپ, قر تجم وكىلى: — 4 536 تۇرعىن ءۇي مەن 2 767 اۋلا اۋماعىنان سۋدىڭ باعىتى بۇرىلدى. 11,2 ملن استام تەكشە مەتر ەرىگەن قار سۋى سورىپ شىعارىلدى, 4,6 ملن قاپشىق جانە 1,4 ملن استام توننا ينەرتتى ماتەريال توسەلدى. جەدەل جەلى تەلەفونىنا 2 114 قوڭىراۋ ءتۇستى. اقمولا, اقتوبە, اتىراۋ,  باتىس قازاقستان, سولتۇستىك قازاقستان وبلىستارىندا ۇيلەر مەن اۋماقتاردان سۋ سورۋ جۇمىستارى جالعاسۋدا.