SÝDAN ZARDAP ShEKKEN 22734 ADAM ÚIINE ORALDY

Batys Qazaqstan men Atyraý oblystarynda sý tasqynynyń ekinshi tolqyny bolýy múmkin. Qazir mamandar Reseıden keletin Jaıyq ózeninen qaýiptenip otyr.

Osy saǵatta 22 myń 734 adam úıine oraldy. 8809 turǵyn, onyń ishinde 3 828 bala evakýaııalaý pýnktterinde jatyr. Avarııalyq-qutqarý jáne sý tasqynyna qarsy jumystarǵa azamattyq qorǵaý qyzmetterinen 36 484 maman, 16 áýe kemesi jumyldyryldy. Asqar Shárip, QR TJM ókili: — 4 536 turǵyn úı men 2 767 aýla aýmaǵynan sýdyń baǵyty buryldy. 11,2 mln astam tekshe metr erigen qar sýy soryp shyǵaryldy, 4,6 mln qapshyq jáne 1,4 mln astam tonna ınertti materıal tóseldi. Jedel jeli telefonyna 2 114 qońyraý tústi. Aqmola, Aqtóbe, Atyraý,  Batys Qazaqstan, Soltústik Qazaqstan oblystarynda úıler men aýmaqtardan sý sorý jumystary jalǵasýda.