جاڭالىقتار
«سىرانى بۇگىنىمىز بەن ەرتەڭىمىز جارقىن بولۋى ءۇشىن قايناتامىز»: وسكەمەندە سىرانىڭ جارناماسى سىنعا قالدى
فوتو: ينستاگرام
بۇل جارناما وسكەمەن قالاسىنداعى وتەپوۆ كوشەسى, 27-ءۇيدىڭ قابىرعاسىنا ىلىنگەن.
ءماجىلىس دەپۋتاتى داۋلەت مۇقاەۆ وسكەمەن قالاسىندا ىلىنگەن ءساتسىز جارنامانى سىناپ, مادەنيەت جانە اقپارات مينيسترلىگى مەن شىعىس قازاقستان وبلىسىنىڭ اكىمدىگىنەن شارا قولدانۋدى تالاپ ەتتى.
وسكەمەندەگى سۇمدىق: «سىرانى بۇگىنىمىز بەن ەرتەڭىمىز جارقىن بولۋى ءۇشىن قايناتامىز» دەگەن جارنامانى قاراڭىزشى. ەلدى ءدۇر سىلكىنتكەن تالعارداعى 16 جاستاعى شەرزاتتىڭ ءولىمى ءدال وسى ءبىر شولمەك سىرادان بولىپ وتىرعان جوق پا?! قايداعى جارقىن ءومىر, بۇگىنىمىز قورقىنىشقا, ەرتەڭىمىز بەلگىسىزدىككە تولى بولسا?! مادەنيەت جانە اقپارات مينيسترلىگى مەن شىعىس قازاقستان وبلىسى اكىمدىگىنىڭ نازارىنا! مىناداي جارناماعا جول بەرىلمەۋى كەرەك. قاي زاماننان بەرى سىرا قايناتۋ بىزگە جارقىن ءومىر سىيلاعان? كەرىسىنشە, ومىرمەن قوشتاسىپ جاتقاندار جەتەرلىك. بۇل جارناما وسكەمەن قالاسىنداعى وتەپوۆ كوشەسى, 27-ۇيدە ىلىنگەن. شۇعىل شارا قولدانۋدى سۇرايمىن, – دەدى دەپۋتات.
ايتا كەتسەك, تالعاردا دۇكەننىڭ الدىندا توبەلەس بولىپ, سالدارىنان 16 جاستاعى ءجاسوسپىرىم كوز جۇمعان ەدى. مارقۇمنىڭ تۋىستارىنىڭ ايتۋىنشا, دۇكەننەن سىرا العان تۇتىنۋشى اقشاسىن تولەۋدەن باس تارتقان. وسىدان كەيىن توبەلەس باستالعان.
