سىرداريا وزەنىندە توعىز زاڭسىز سورعى قوندىرعىسى انىقتالدى

ناتيجەسىندە توعىز اكىمشىلىك ءىس قوزعالىپ, ءتارتىپ بۇزۋشىلارعا جالپى سوماسى 1,7 ميلليون تەڭگەگە جۋىق ايىپپۇل سالىندى.

«2025 جىلدىڭ باسىنان بەرى ارال-سىرداريا باسسەيندىك ينسپەكتسياسىنىڭ قىزمەتكەرلەرى سۋدى ارنايى سۋ پايدالانۋعا رۇقساتسىز پايدالانعان 62 ادامدى انىقتادى. قۇقىقبۇزۋشىلارعا سالىنعان ايىپپۇلدىڭ جالپى سوماسى 12,7 ميلليون تەڭگەدەن استى», – دەپ حابارلادى cۋ رەسۋرستارى جانە يرريگاتسيا مينيسترلىگىنىڭ ءباسپاسوز قىزمەتى.

سۋدى جوسىقسىز پايدالانۋدىڭ تاعى ءبىر فاكتىسىن توبىل-تورعاي باسسەيندىك ينسپەكتسياسىنىڭ قىزمەتكەرلەرى انىقتادى. ناتيجەسىندە سۋ پايدالانۋشىعا ايىپپۇل سالىنىپ, انىقتالعان بۇزۋشىلىقتاردى جويۋ تۋرالى ۇيعارىم شىعارىلدى.