«تابىسىن حالىقپەن ءبولىسۋى كەرەك»: ماڭعىستاۋ وبلىسى اكىمى وڭىردە تىركەلگەن ءىرى كومپانيالارعا ۇندەۋ جاسادى

اكىمدىك مالىمەتىنشە, وبلىس بويىنشا جەر قويناۋىن پايدالانۋشى 208 كومپانيا بار. ولاردىڭ ىشىندە كەڭ تارالعان پايدالى قازبالارمەن اينالىساتىن كومپانيالار سانى 152 بولسا, 56 مۇناي كومپانياسى تىركەلگەن. «بۇل مەكەمەلەردىڭ وسۋىنە, دامۋىنا ەشقانداي قارسىلىعىمىز جوق. ءوسسىن, بايىسىن. بىراق, ءبىزدىڭ ماڭعىستاۋدا جۇمىس جاساپ جاتىر ەكەن دەمەۋشىلىك جاعىنان بولسىن حالىقپەن ءبولىسسىن. بارلىعىن بىردەي بيۋدجەتكە ءىلىپ قويا بەرۋگە بولمايدى. ءىرى, شەتەلدىك ۇلەسى بار مەكەمەلەر دە حالىقپەن از دا بولاسا تابىسىن ءبولىسۋ كەرەك. اكىمشىلىك تاراپتان كومەك بولسا, كومەكتەسەمىز», – دەدى نۇرداۋلەت قيلىباي. ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى مارينا البەكوۆانىڭ ايتۋىنشا, وڭىردەگى ەكى مۇناي كومپانياسىمەن عانا ءونىمدى ءبولۋ تۋرالى كەلىسىم (سرپ) بار.

«Nسوس كومپانياسىنىڭ الەۋمەتتىك مىندەتتەمەسىنىڭ جىلدىق كولەمى – 25 ملن دوللار. ولار وبلىس بويىنشا الەۋمەتتىك ماڭىزدى نىسانداردىڭ قۇرىلىسىن جۇرگىزەدى.

سوڭعى 3 جىلدا 5 نىسان تاپسىردى. ال دۋنگا مەكەمەسىنىڭ الەۋمەتتىك مىندەتتەمەلەردىڭ جىلدىق كولەمى – 1 ملن دوللار. كومپانيانىڭ مۇمكىندىگىنە قاراي الەۋمەتتىك مىندەتتەمەلەردىڭ باعىتى ول –قۇرال-جابدىقتاردى ساتىپ الۋ جانە جەتكىزۋ. سوڭعى 3 جىلدا 5 دەنساۋلىق ساقتاۋ ۇيىمىنا 30 بىرلىك اپپارات تاپسىرىلدى. جالپى وسى كومپانيانىڭ الەۋمەتتىك مىندەتتەمەلەرىنىڭ جىلدىق كولەمىن ۇلعايتۋعا مۇمكىندىك بار», – دەدى مارينا البەكوۆا.