Әлемдік тур аясындағы шоуға 31 мыңға жуық көрермен жиналды.

Алматы туризм басқармасының мәліметінше, концертке байланысты қалаға 50-ден астам елден шамамен 7 700 турист келген. Олардың 2 мыңға жуығы Алматыға дәл осы концерт үшін арнайы келген шетелдік қонақтар.

Музыкалық шара қаладағы қонақүй бизнесіне де айтарлықтай әсер еткен. 13–16 тамыз аралығында қонақүйлердің орташа жүктемесі 98 пайызға жетті.

Осылайша, бір ғана ірі халықаралық концерт Алматының туристік тартымдылығын арттырып қана қоймай, қала экономикасына да елеулі қаржы әкелген.

The post Канье Уэсттің Алматыдағы концерті қалаға 5 млрд теңге табыс әкелді appeared first on QANDASTAR.KZ.

Көрермендерді стадион аумағына кіргізу сағат 16:00-де басталады. Бұл уақыт бұған дейін 14 тамызға жоспарланған концерттің кіру кестесімен бірдей.

Ұйымдастырушылардың мәліметінше, 14 тамыздағы концертке сатып алынған барлық билеттер жарамды болып қала береді. Көрермендер сол билеттермен 15 тамыздағы концертке еш кедергісіз кіре алады.

Стадионға кіру билеттегі QR-кодты сканерлеу арқылы жүзеге асырылады. Тексеруден өткеннен кейін бұрын берілген білезіктер жаңасына ауыстырылып, олар 15 тамыздағы концертке кіруге мүмкіндік береді.

Қазіргі уақытта концерт өтетін алаң толық дайындалып, барлық қажетті қызметтердің жұмысы ұйымдастырылған.

Ұйымдастырушылар көрермендерге жол қозғалысындағы кептелісті ескеріп, стадионға ертерек келуге кеңес берді. Сондай-ақ әрбір адам билетінде көрсетілген сектор арқылы кіріп, кіреберіс сызбасымен алдын ала танысуы қажет екені айтылды.

Концертке қатысты барлық өзекті ақпарат First Media Group пен Freedom Афишаның ресми арналары арқылы жарияланып отырады.

The post Канье Уэстің Алматыдағы концерті бүгін өтеді: Көрермендерге маңызды ақпарат жарияланды appeared first on QANDASTAR.KZ.

Көрермендердің стадионға ыңғайлы кіруі үшін үш бағыттан жалпы 40 кіреберіс ұйымдастырылған. Билет тексеру рәсімі сағат 16:00-де басталады. Концерт өтетін аумаққа тек жарамды билеті немесе арнайы аккредитациясы бар азаматтар ғана өткізіледі.

Полиция өкілдері келушілерді алдын ала өз кіреберісін анықтап, тәртіп сақшылары, қауіпсіздік қызметкерлері мен еріктілердің талаптарын орындауға шақырды. Бұл шаралар концерттің қауіпсіз әрі ұйымдасқан түрде өтуін қамтамасыз етуге бағытталған.

Іс-шара өтетін күні стадион маңында патрульдеу күшейтіледі. Концерт аяқталғаннан кейін көрермендердің қалаға ыңғайлы тарауы үшін қоғамдық көлік қозғалысы күшейтіліп, қосымша шаттл автобустары іске қосылады.

The post Алматыдағы Канье Уэстің концертіне байланысты қауіпсіздік шаралары күшейтіледі appeared first on QANDASTAR.KZ.

Клуб қазіргі уақытта Қазақстан чемпионаты мен еурокубок аясындағы өз алаңындағы матчтарын дәл осы стадионда өткізіп жатқанын атап өтті. Жоспарға сәйкес, «Қайрат» 8 және 15 тамызда Қазақстан чемпионатының ойындарын өткізеді. Сондай-ақ 11-13 тамыз аралығында команда еурокубоктағы үй кездесуін де осы стадионда ойнауы мүмкін.

Клуб өкілдерінің айтуынша, мұндай көлемдегі концертке дайындық бірнеше күнге созылады. Сахнаны орнату мен кейін бөлшектеу стадион инфрақұрылымына және алаңдағы көгалдың сапасына әсер етіп, ресми матчтарды өткізуге қиындық туғызуы ықтимал.

Осыған байланысты «Қайрат» барлық қажетті келісімдер жасалмайынша, 14 тамызда Канье Уэсттің концерті дәл Орталық стадионда өтеді деп айтуға ерте екенін жеткізді.

Еске салайық, бұған дейін Алматы әкімдігі Канье Уэсттің Қазақстандағы алғашқы концерті өтетінін растаған болатын. Алдын ала ақпарат бойынша, билет сатылымы 20 шілдеде басталады. Концерт әншінің LIVE CONCERT TOUR 2026 әлемдік гастрольдік туры аясында ұйымдастырылмақ.

The post «Қайрат» Канье Уэст концертіне қатысты мәлімдеме жасады appeared first on QANDASTAR.KZ.