Taıjan Jer komıssııasy jumysy úshin aqsha alǵanyn aıtty

Muhtar Taıjan HARDtalk baǵdarlamasynda Jer komıssııasyndaǵy jumysy úshin aqsha alǵanyn aıtty.

Almaty, NEGE. Jýrnalıst Muhtar Taıjanǵa  jumysyńyz úshin  qarajat aldyńyz ba degen suraq qoıdy.

«Men halyqtyń múddesin qorǵaımyn dep qorǵadym. Al qalǵan bıznesmender men qandaı shartqa baramyn ol meniń óz sharýam. Men ol kezde bıznesmenmin, jeke tulǵamyn. Ol kezde mende taǵy kelisimsharttar boldy. Men ony aıtýǵa mindetti emespin», — dedi Taıjan.

Jýrnalıstiń «aldyńyz ba, naqty jaýap berińizshi?» degen suraǵyna:

«Aldym, óıtkeni ol meniń qoǵamdyq jumysyma kedergi nemese qaıshy emes. Ol meniń jeke sharýam», — dep jaýap berdi Muhtar Taıjan.