Taksı júrgizýshilerine qatysty erejeler ózgeredi

QR IIM Ákimshilik polıııa komıtetiniń tóraǵasy Qaısar Sultanbaev OKQ-degi brıfıngte 2025 jyldan bastap jolaýshy tasymaly salasynda qandaı ózgerister bolatynyn aıtty, – dep jazady qandastar.kz

Qaısar Sultanbaevtyń sózinshe, Kólik mınıstrligimen birlesip, tasymaldaý qyzmetin usynatyn kompanııalarmen memorandýmdarǵa qol qoıyldy.

– Memorandým aıasynda júrgizýshilerge qoıylatyn talaptar kúsheıedi. Oǵan eńbek pen demalys rejımin saqtaý, medıınalyq tekserýden ótý, jolaýshy jáne júk tasymaly erejelerin saqtaý jatady. Internet-agregatorlar óz qosymshalaryn osy talaptarǵa sáıkestendirip jatyr, al 2025 jyldyń 1 qańtarynan bastap agregatorlar tek jeke tasymaldaýshy retinde tirkelgen júrgizýshilerge tapsyrys bere alady, – dedi ol.

Jeke tasymaldaýshylar endi:

• kúndelikti reıs aldyndaǵy jáne keıingi medıınalyq tekserýden ótýge;
• kólikti kúndelikti tehnıkalyq tekserýden ótkizýge;
• sol jaqtan basqarylatyn tehnıkalyq turǵyda jaramdy kólikterdi paıdalanýǵa;
• eńbek pen demalys rejımin saqtaýǵa mindetti bolady.

Eger bul talaptar oryndalmasa, ınternet-agregatorlar jeke tasymaldaýshyǵa tapsyrys bermeýge mindetti bolady.