تالدىقورعاندا بانككە بارعان قىز قۇلاپ, ومىرتقاسىن سىندىردى

12 ماۋسىمدا اناسى مەن قىزى بانككە قاراپايىم قارجىلىق وپەراتسيا جاساۋ ءۇشىن بارعان, دەپ حابارلايدى Qandastar.kz.

قىزمەت الۋ كەزەگىن كۇتىپ تۇرعان كەزدە قىز باسپالداق الاڭىنا جاقىنداپ, تومەنگە قۇلاپ كەتكەن. اناسىنىڭ ايتۋىنشا, قورشاۋلار اراسىنداعى ساڭىلاۋ تىم كەڭ بولعان, بۇل قاۋىپسىزدىك نورمالارىنا ساي بولماۋى مۇمكىن.

بالانى تالدىقورعان قالاسىنداعى وبلىستىق بالالار اۋرۋحاناسىنا جەتكىزگەن, وندا دارىگەرلەر بالانىڭ كەۋدە جانە بەل ومىرتقاسى سىنعانىن ايتقان.

وقيعادان كەيىن بانك ولارعا توسەك ساتىپ اپەرگەن, سونىمەن ءىس بىتكەن.

ەۋرازيالىق بانكتىڭ ءباسپاسوز قىزمەتى اتالعان وقيعانىڭ تالدىقورعانداعى بانك بولىمشەسىندە بولعانىن راستادى.

«قىزمەت كورسەتۋ زالىندا اتا-اناسىنىڭ قاراۋىنسىز قالعان بالا ءوز بەتىنشە قىزمەتتىك ايماققا – باسپالداققا شىعىپ, جاراقات العان», – دەلىنگەن حابارلامادا.

«بانك بولىمشەلەرى بالالاردىڭ ەرەسەكتەردىڭ قاراۋىنسىز جۇرۋىنە ارنالماعان. دەگەنمەن, وسى جاعدايدان كەيىن ەۋرازيالىق بانك قاۋىپسىزدىك دەڭگەيىن ارتتىرۋ جانە وسىنداي جاعدايلاردىڭ الدىن الۋ ءۇشىن شارالار قابىلداۋدا. بولىمشە قىزمەتكەرلەرى دەرەۋ جەدەل جاردەم شاقىرعان. اناسىنىڭ باستاپقىدا اۋرۋحاناعا جاتقىزۋدان باس تارتقانىنا قاراماستان, دارىگەرلەردىڭ تالابىمەن جانە بانك كومەگىمەن بالا الماتىداعى №1 بالالار اۋرۋحاناسىندا قايتا تەكسەرىلىپ, ەمدەلدى», – دەلىنگەن حابارلامادا.