Taldyqorǵanda bıýdjettiń mıllıardtaǵan qarjysy jumsalǵan kottedj qalashyǵy qańyrap tur

Foto: kollaj Sn.kz

Jetisý oblysynyń ortalyǵy Taldyqorǵan qalasynda bıýdjettiń mıllıardtaǵan qarjysy jumsalǵan kottedj qalashyǵynyń qurylysy aıaqsyz qalǵan. Qazirgi ýaqytta qurylys toqtap, nysan qańyraǵan kúıde tur, dep habarlaıdy qandastar.kz

Bul týraly Pısma Prezıdentý telegram-arnasy jazdy.

«Taldyqorǵandaǵy mıllıardtaǵan aqshasy bar kottedjder qaýymy iri jemqorlyqtyń jergilikti eskertkishine aınaldy. Qala ákimi Ernat Bazyl bıýdjet qarajatynyń urlanýy men úılerdi qalpyna keltirý jumystarynyń barysy týraly aıtty. Bul qalashyqty salýǵa bastamashy bolǵan oblystyń burynǵy ákimi Amandyq Batalov, árıne, ol da isten qalys qaldy», — delingen habarlamada.

Sondaı-aq, beınejazbada qurylystyń durys júrgizilmegeni, nysan qulaýdyń sál-aq aldynda turǵany da aıtylady.

Vıdeo avtory úlken planda alǵan kóriniste, rasynda, kirpishtiń arasynda sylaq joq ekenin baıqaýǵa bolady. ellofan oralǵan shatyrdyń asty da «ýildep turǵany» bilinedi. Vıdeo túsirýshi ekinshi qabattyń edeni quıylǵanmen, birinshi qabattyń astyn «topyraqpen uryp jatqanyn» aıtady.

Taldyqorǵan qalasynyń ákimi Ernat Bazyldyń aıtýynsha, qurylys nysany 2013 jyly bastalyp, sodan keıin ákimdikke tapsyrylǵan.

«Nysannyń qurylysy 2013 jyly bastalyp, sodan keıin ákimdikke tapsyryldy. biraq eń qyzyǵy eshqandaı qujatsyz, tolyq málimetsiz berildi. Tek qurylys nysanynyń sýmmasy ǵana jazylǵan. Boldy. Ne qurylysty qandaı kompanııa salǵany, ne tehnıkalyq qujaty joq. Sonymen qatar qurylys ornynda kóptegen qurylys zattary urlanǵan. Endi nysandy aıaqtaý úshin, basqa kompanııa qarastyryp jatyrmyz. Qazirgi ýaqytta tekseris júrgizilip jatyr», — dedi ákim.