Talǵar men Qaskeleńnen Almatyǵa elektr poıyzdary qatynaýy múmkin

Prezıdent Qasym-Jomart Toqaevtyń qatysýymen ótip jatqan jıynda qala mańynda qatynaıtyn elektr poıyzdary týraly aıtyldy, dep habarlaıdy QazAqparat tilshisi.

Almaty qalasynyń ákimi Baqytjan Saǵyntaev Talǵar men Qaskelenen keletinder sanynyń aıtarlyqtaı artqandyǵyn atap ótti. Ákim bul máseleni elektr temirjoldaryn salý arqyly sheshýge bolatyndyǵyn jetkizdi.

«Úkimetten osy mańyzdy qoǵamdyq jobany bastaýǵa qoldaý bildirip, onyń kezeń-kezeńimen iske asýyna yqpal etýdi suraımyz. «Almaty-Uzynaǵash baǵyty boıynsha birneshe elektr temirjol reısi qosyldy. Jańa jyldan bastap Qapshaǵaı baǵytyn qosamyz», — dedi qala ákimi Saǵyntaev.