جاڭالىقتار
تالعاردا تەرگەۋ يزولياتورىنان قاشقان كۇدىكتى ۇستالدى
فوتو: الماتى پوليتسيا دەپارتامەنتى
تالعار قالاسىندا جيەن قارىنداسىن زورلادى دەگەن كۇدىككە ءىلىنىپ, تەرگەۋ يزولياتورىنان قاشىپ كەتكەن ەر ادام ۇستالدى, دەپ حابارلايدى Qandastar.kz.
ىزدەستىرۋ جۇمىستارى باستالعان ساتتەن باستاپ پوليتسيانىڭ بارلىق كۇشتەرى جۇمىلدىرىلدى, سونداي-اق ىزدەۋ شارالارىنا قوعامدىق كومەكشىلەر, ەرىكتىلەر مەن وبلىس تۇرعىندارى تاراپىنان قۇرىلعان ەرىكتى جاساقتار بەلسەندى تۇردە اتسالىستى.
كۇدىكتى تەرەڭقارا اۋىلىنىڭ شەتىندە ۇستالدى. ول قايتادان ۋاقىتشا ۇستاۋ يزولياتورىنا قامالدى.
ەندى وعان جاسالعان نەگىزگى قىلمىسقا قوسىمشا قاماۋدان قاشقانى ءۇشىن دە ايىپ تاعىلماق.
