تالعاردا ۇرلانعان بۇلدىرشىنگە وتا جاسالدى

ادۆوكات گاۋحار ساريەۆا تالعاردا ۇرلانعان قىزدىڭ قازىرگى جاعدايى تۋرالى ايتىپ, ءىستىڭ كەيبىر دەرەكتەرىمەن ءبولىستى, دەپ حابارلايدى Qandastar.kz سايتى BAQ.KZ-كە سىلتەمە جاساپ.

ءوزىنىڭ Instagram پاراقشاسىندا زاڭگەردىڭ جازۋىنشا, بالاعا وتا جاسالىپ, دارىگەرلەر ونىڭ تىلىنە سەگىز تىگىس سالعان.

قىلمىسكەر بالا مىنگەن كولىكتى ادەيى اۋدارعان. سول ساتتە قىز جاراقاتتار مەن جارىقشالار العان, بىراق ول وعان قول تيگىزبەگەن. شىن مانىندە, ول امان قالعانى — ۇلكەن عاجايىپ, — دەدى ساريەۆا.

ادۆوكاتتىڭ ايتۋىنشا, قىزدىڭ اناسى — مەدبيكە. قايعىلى وقيعا كەزىندە – ونىڭ اعاسىن اتىپ ولتىرگەن ساتتە ايەل كورشى ۇيدە ونكولوگيالىق ناۋقاسقا سيستەما قويىپ جاتقان.

ەگەر ول ۇيدە بولعاندا نە بولارىن ەلەستەتۋ دە قورقىنىشتى, — دەپ قوستى ادۆوكات.