Tanymal bloger Nurbekke syılamaq bolǵan kóligin soǵyp aldy

Foto: Ashyq derekkóz

Qazaqstandyq bloger, NNN laqap atymen tanymal Nurdáýlet Bektursyn Parıj Olımpıadasynda bokstan kúmis júldeger atanǵan Nurbek Oralbaıǵa syılaımyn degen kóligin soǵyp aldy. Bul týraly belgili bloger óziniń áleýmettik jelidegi paraqshasynda beınejazba jarııalady, dep habarlaıdıa qandastar.kz 1bol.kzke silteme jasap.

«Mássaǵan! Esterińizde me, Nurbek birinshi oryn alsa beremiz degen kólik edi. Kúmis alsa da altynǵa teń júlde dep bermekshi bolǵanbyz. Sol kúni túnde 11-de soqtyq. Tańǵy 9-da Nurbek elge keletin edi», – dedi bloger.

Kópshilikke kólikteriniń kóptigimen tanys bloger endi qazaq boksshysyna kólik syılaı ma degen saýaldy jaýapsyz qaldyrdy. Ol tek jeke paraqshasynda 2 beınejazbany kópshilikke usynyp, kóliktiń jol shetine shyǵyp ketip, apatqa ushyraǵan sátti kórsetken.

Aıta keteıik, Nurbek Oralbaı Parıj Olımpıadasynda 80 kelide baq synap, fınalǵa deıin jetken edi. Ol sheshýshi jekpe-jekte ýkraınalyq Aleksandr Hıjnıakka ese jiberip, kúmis júldege ıe boldy.