تانىمال بلوگەردىڭ كىشكەنتاي ۇلى كولىك جۇرگىزەمىن دەپ قورشاۋعا سوعىلدى

فوتو: الەۋمەتتىك جەلىدەن

الەۋمەتتىك جەلى قولدانۋشىسى, بلوگەر كارينا وكسۋكپاەۆا ءوز بالالارىنىڭ اۋلادا كولىكپەن قاۋىپ توندىرەتىن جاعدايعا تاپ بولعانىن ايتىپ, بەينەجازبا جاريالادى, دەپ حابارلايدى Qandastar.kz.

جازبادا كورىنىس تاپقانداي, بلوگەردىڭ قوس ۇلى ءۇي اۋلاسىندا تۇرعان كولىككە وتىرىپ, ونىڭ ءبىرى ءتىپتى رولگە جايعاسادى. كوپ ۇزاماي كولىك ورنىنان قوزعالىپ, ءۇي بۇرىشىنا جانە قورشاۋعا سوعىلىپ بارىپ ءبىر-اق توقتايدى. كەيىن بالالار كولىكتەن ءتۇسىپ, اسىعىس كەتىپ قالادى.

وقيعا تۋرالى بايانداعان كارينا حانىم بۇل ساتتە كىشى ۇلىن باقىلاپ وتىرعانىن, سول سەبەپتى ۇلكەنىنىڭ كولىك كىلتىن الىپ, سىرتقا شىققانىن بايقاماي قالعانىن ايتتى.

“سىرتقا شىقسام, كولىك قوزعالىپ بارا جاتىر. ەلەستەتىڭىزشى, بالام رولدە وتىر. مەن جۇگىرىپ بارىپ, كولىكتى توقتاتتىم. بۇل جاعدايدان ءوزىمىز ءۇشىن قانداي ساباق الۋىمىز كەرەك?” – دەپ ءبولىستى بلوگەر.