Tanymal blogerdiń ústinen is qozǵaldy

Foto: ashyq derekkóz

Jelide Qasqir_kz laqap atymen tanymal bolǵan bloger Álı-Ásker Baıǵojın óziniń iústinen «usaq buzaqylyq» baby boıynsha is qozǵalǵanyn málim etti, dep habarlady qandastar.kz

Onyń aıtýynsha, istiń qozǵalýyna «Ganıýshkıno departamenti» atty satıralyq serıalda somdaǵan keıipkeri sebep bolǵan. Atalǵan jobada bloger quqyq qorǵaý organdarynyń ókilderin somdaıdy.

«Qazir meni «usaq buzaqylyq» baby boıynsha jaýapkershilikke tartvp jatyr. Oǵan sebep – meniń «Ganıýshkıno departamenti» serıalyndaǵy keıipkerim. Sáken, sen naǵyz ońbaǵan ekensiń. О́ziń qııal áleminde ómir súresiń, al sottalyp jatqan men», –  dep aıtty bloger.

Aıta keteıik, bloger Álı-Ásker Baıǵojın Almatydaǵy Ulttyq qaýipsizdik komıteti akademııasynyń túlegi. Bloger Atyraý oblystyq UQK departamentinde alty jyl qyzmet atqarǵan. Qyzmetten ketken soń áleýmettik jelilerde kúshtik qurylymdardyń kúndelikti ómiri jaıly ıýmorlyq janrda beınerolıkter jarııalaı bastaǵan.