تانىمال سۋرەتشى دۇنيەدەن ءوتتى

فوتو: سۋرەتشىلەر وداعى

تانىمال سۋرەتشى, قازاقستان سۋرەتشىلەر وداعىنىڭ مۇشەسى قايىرباي زاكىروۆ دۇنيەدەن ءوتتى, دەپ حابارلايدى qandastar.kz

قايىرباي زاكىروۆ 1945 جىلدىڭ 25 اقپانىندا قىزىلوردا وبلىسى, ارال قالاسىندا دۇنيەگە كەلگەن. ول «قۇس جولى», «كوكجيەك», «ايتماتوۆتى وقىعاندا» جانە تاعى باسقا تۋىندىلارىمەن كوپكە تانىمال.

سۋرەتشىنىڭ ەڭبەكتەرى ءابىلحان قاستەەۆ اتىنداعى مەملەكەتتىك ونەر مۇراجايىندا, سونداي-اق رەسەي, ەۋروپا, جاپونيا, يەمەن, فرانتسيا, اقش جانە قازاقستانداعى جەكە كوللەكتسيالار مەن گالەرەيالاردا ساقتالعان.

قايىرباي زاكىروۆ قازاقستان رەسپۋبليكاسىنىڭ ەڭبەك سىڭىرگەن ونەر قايراتكەرى (1988), قازاقستان كوركەمونەر اكادەمياسىنىڭ اكادەميگى (2006), قىزىلورداداعى «بولاشاق» ۋنيۆەرسيتەتىنىڭ قۇرمەتتى پروفەسسورى (2008) اتاقتارىنا يە بولعان. سونداي-اق ول قر پرەزيدەنتىنىڭ ستيپەندياتى (1996), قىزىلوردا وبلىسى اكىمىنىڭ ستيپەندياتى (2008) جانە رەسپۋبليكالىق «قازاقستان» تەلەراديوكورپوراتسياسىنىڭ «التىن ادام» نوميناتسياسىنىڭ «سامعاۋ» مەدالىمەن ماراپاتتالعان.