تارازدا مەملەكەتتىك باعدارلامامەن ءۇي العاندار جوق جىلۋ مەن جارىققا اقشا تولەپ وتىر

فوتو: ۆيدەودان سكرين

تارازدا “قولجەتىمدى باسپانا” مەملەكەتتىك باعدارلاماسىمەن ءۇيلى بولعاندار جىلۋ مەن جارىقتى ۇمىتقان. ولار سىز تارتقان پاتەردە قالىڭ كيىنىپ, جان باعىپ وتىر. بۇل تۋرالى  qandastar.kz اقپارات اگەنتتىگى 31 ارنانىڭ “يفورمبيۋرو” جاڭالىقتار قىزمەتىنە سىلتەمە جاساپ حابارلايدى.

باسپانالى بولدى دەگەن اتى بولماسا 180 پاتەرلى ءۇيدىڭ يەلەرى جوق جىلۋ ءۇشىن اقشا تولەيمىز دەپ شىپ-پىر بولادى.

“ارينە, جاعىمسىز نارسە. ءالى جىلۋدىڭ اقشاسى كەلەدى. ەسەپتەۋىش اينالىپ جاتىر. ىستىق سۋ جوق. سول ءۇشىن تولەتەدى بىزگە. سونى تولەيمىز. جۋىنىپ جاتقان جوقپىز. باسقا جىلۋى بار جاققا بارامىز. بۇل جاقتا جوق”, – دەيدى تۇرعىنداردىڭ ءبىرى گۇلزيرا ابدىكەەۆا.

سىز تارتقان ۇيدەن دەرت تاپقانداردىڭ دا سانى ارتىپ جاتىر.

“بىلتىر قىستاي ءۇسىپ وتىردىق. ءۇيدىڭ ىشىندە پالتو, كۋرتكا, جۇن نوسكي, اياق-كيىم كيىپ جۇردىك. اقشا تولەگەندە “ايما-اي وسى تولە, تولە” دەپ جانىمىزدى شىعارادى عوي, شىركىن! ەندى كەشەلى بەرى جارىققا اقشا تولەپ قويعانبىز. بىراق ول تۇسپەيدى. جارىق جوق. تاماق اشىپ, پىشىپ ءىرىپ جاتىر. كىمگە كەرەكپىز ءبىز? ەشكىمگە كەرەك ەمەسپىز ءبىز”, – دەيدى تۇرعىنداردىڭ ءبىرى نۇرجامال سارتاەۆا.

ال اتقارۋشى بيلىك سالىنعان ءۇيدىڭ ساپاسىز ەكەنىمەن كەلىسپەيدى. دەسە دە ءۇش جىل بۇرىن بەرىلگەن ۇيلەردىڭ قۇبىرى توزىپ كەتكەن. ولاردىڭ ايتۋىنشا, جىلى سۋ مەن جارىقتى تۇرعىنداردىڭ وزدەرى جاساپ الۋ كەرەك. الەۋمەتتىك وسال تاپتارعا بەرىلگەن بۇل كوپ قاباتتى ءۇي تۇرۋعا جارامسىز قونىسقا اينالدى. شاعىم ايتقان تۇرعىندارعا جەرگىلىكتى بيلىك ارنايى توپ قۇرىپ اپتا سوڭىنا دەيىن جەردەمدەسەمىز دەپ ۋادە بەردى.