Tarazda memlekettik baǵdarlamamen úı alǵandar joq jylý men jaryqqa aqsha tólep otyr

Foto: vıdeodan skrın

Tarazda “Qoljetimdi baspana” memlekettik baǵdarlamasymen úıli bolǵandar jylý men jaryqty umytqan. Olar syz tartqan páterde qalyń kıinip, jan baǵyp otyr. Bul týraly  qandastar.kz aqparat agenttigi 31 arnanyń “Iformbıýro” jańalyqtar qyzmetine silteme jasap habarlaıdy.

Baspanaly boldy degen aty bolmasa 180 páterli úıdiń ıeleri joq jylý úshin aqsha tóleımiz dep shyp-pyr bolady.

“Árıne, jaǵymsyz nárse. Áli jylýdyń aqshasy keledi. Esepteýish aınalyp jatyr. Ystyq sý joq. Sol úshin tóletedi bizge. Sony tóleımiz. Jýynyp jatqan joqpyz. Basqa jylýy bar jaqqa baramyz. Bul jaqta joq”, – deıdi turǵyndardyń biri Gúlzıra Ábdikeeva.

Syz tartqan úıden dert tapqandardyń da sany artyp jatyr.

“Byltyr qystaı úsip otyrdyq. Úıdiń ishinde palto, kýrtka, jún noskı, aıaq-kıim kıip júrdik. Aqsha tólegende “aıma-aı osy tóle, tóle” dep janymyzdy shyǵarady ǵoı, shirkin! Endi kesheli beri jaryqqa aqsha tólep qoıǵanbyz. Biraq ol túspeıdi. Jaryq joq. Tamaq ashyp, pyshyp irip jatyr. Kimge kerekpiz biz? Eshkimge kerek emespiz biz”, – deıdi turǵyndardyń biri Nurjamal Sartaeva.

Al atqarýshy bılik salynǵan úıdiń sapasyz ekenimen kelispeıdi. dese de úsh jyl buryn berilgen úılerdiń qubyry tozyp ketken. Olardyń aıtýynsha, jyly sý men jaryqty turǵyndardyń ózderi jasap alý kerek. Áleýmettik osal taptarǵa berilgen bul kóp qabatty úı turýǵa jaramsyz qonysqa aınaldy. Shaǵym aıtqan turǵyndarǵa jergilikti bılik arnaıy top quryp apta sońyna deıin jerdemdesemiz dep ýáde berdi.