Tarazdaǵy tergeý ızolıatorynda 73 jastaǵy qarııa qaıtys boldy

73 jastaǵy qarııa bıyl mamyr aıynda para bergeni úshin sottalǵan, dep jazady Qandastar.kz jýrnalıst Mıhaıl Kozachkovtyń Telegram-arnasyna silteme jasap.

«Tarazdaǵy tergeý ızolıatorynda qamaýda bolǵan er adam aıaqasty qaıtys boldy. Onyń ólimi beınebaqylaý kamerasyna tirkelgen. Marqum júrek aýrýyna baılanysty medıınalyq mekemede tirkeýde turǵan. Buǵan deıin birneshe ret aýrýhanaǵa jetkizilip, em-dom qabyldaǵan. Aldyn ala málimet boıynsha, onyń ólimine júrek aýrýy sebep bolǵan», – delingen Jambyl oblysy boıynsha Qylmystyq-atqarý júıesi departamenti taratqan habarlamada.

Sottalǵan er adam apellıaııalyq shaǵymnyń qaralýyn kútken. Týystarynyń aıtýynsha, sot otyrysy birneshe ret keıinge qaldyrylǵan. Cońǵy ret 30 shildede shegerilip, 13 tamyzǵa belgilengen.

Qart adamnyń densaýlyǵyna baılanysty týystary burynnan alańdaýshylyq bildirip kelgen. Oǵan kún saıyn shuǵyl medıınalyq kómek qajet bolǵan. Dárigerler oǵan júrek jetispeýshiligi, júrek demikpesi men qant dıabeti dıagnozyn qoıǵan.

Ol II toptaǵy múgedek bolǵan ári júregine kardıostımýlıator ornatylǵan. Sot-medıınalyq saraptamalardyń qorytyndysy boıynsha, onyń dıagnozdary jazasyn óteýden bosatýǵa negiz bola alatyn aýrýlar qataryna jatady.