Tarazdaǵy jantúrshigerlik qaıǵyly oqıǵa: «Aldymen áıeline, odan soń úıine ot qoıǵan»

Sýret: pixabay

Tarazda otbasylyq janjal kezinde er adam áıeliniń ústine janar-jaǵarmaı quıyp órtep jibergen. Denesin túgel kúıik shalǵan – alty balanyń anasy aýrýhanaǵa túsip jansaqtaý bóliminde tańǵa qaraı jan tapsyrdy, dep habarlaıdy Zakon.kz.

Áıeldiń denesiniń 98 paıyzyn kúıik shalypty. Otbasynyń oıranyn shyǵarǵan jan túrshigerlik jaǵdaı keshe, 30 shildede túngi 11-ler shamasynda qaladaǵy jer úılerdiń birinde bolǵan. Baspanasy da otqa oranǵan. Úıde balalary bolypty. Kúıeýi de qaıtys boldy. Onyń denesin úıdiń mańynan tapqan. Al, ata-anasy men baspanasynan aırylǵan balalardyń eń kishisi –  úshte, úlkeni – 22 jasta, dep habarlaıdy Astana.tv.

«Denesin kúıik shalǵan áıel aýrýhanada qaıtys boldy. Kúdikti oqıǵa ornynan jaqyn mańnan óli kúıinde tabyldy. Aldyn ala boljam boıynsha, ol óz ózine qol jumsaǵan. Atalǵan derekterge qatysty qajetti saraptamalar taǵaıyndaldy.Jambyl oblysy PD resmı ókili Qundyz Bógenbaeva

Buǵan deıin Tarazda er adam janjal kezinde jubaıyn óltirip, sodan keıin úıin órtep jibergeni, aqyrynda ol óz-ózine qol jumsaǵany habarlanǵan. Kúdiktiniń ózi taıaýda túrmeden bosap shyqqany belgili.