الەم جاڭالىقتارىجاڭالىقتار
تاريحي التىن! گولوۆكين شورت-ترەك قۇراماسىن قۇتتىقتادى
گولوۆكيننىڭ سوزىنشە, بۇل — قازاقستاندىق شورت-ترەك ءۇشىن الەمدىك دەڭگەيدەگى كەشەندى جارىستارداعى العاشقى جوعارى دارەجەلى جۇلدە.
«قازاقستان ۇلتتىق وليمپيادالىق كوميتەتى اتىنان جانە ءوز اتىمنان گلەب يۆانچەنكو, دەنيس نيكيشا, مەرسايد جاقسىباەۆ, ايبەك ناسەن, ابزال اجعاليەۆ جانە ءادىل عالياحمەتوۆتى حاربيندەگى قىسقى ازيا ويىندارىندا قازاقستان قۇراماسىنىڭ العاشقى التىن مەدالىن جەڭىپ الۋىمەن شىن جۇرەكتەن قۇتتىقتايمىن!
بۇل – قازاقستاندىق شورت-ترەك ءۇشىن الەمدىك دەڭگەيدەگى كەشەندى جارىستارداعى العاشقى جوعارى دارەجەلى جۇلدە جانە مىڭداعان جانكۇيەر وسى تاريحي ءساتتىڭ كۋاسى بولدى. بۇگىن سىزدەر جەڭىسكە دەگەن جىگەرلەرىڭىزدىڭ ارقاسىندا لايىقتى تۇردە تۇعىردىڭ ەڭ بيىك ساتىسىنا كوتەرىلدىڭىزدەر. جانە كوپ جىلدان كەيىن قازاقستاننىڭ ءانۇرانى ازيا قۇرلىعىنىڭ قىسقى دوداسىندا قايتا شىرقالادى.
سىزدەردى وسى جەڭىسكە جەتەلەگەن باپكەرلەرىڭىزگە ەرەكشە العىس ايتامىن. بۇل جارقىن جەڭىس – بۇكىل ەل ءۇشىن زور قۋانىش. راقمەت, العا, قازاقستان!», — دەدى گەننادي گولوۆكين.
ەسكە سالايىق, شورت-ترەكشىلەر ازيا ويىندارىندا ەرلەر ەستافەتاسىنىڭ قورىتىندىسى بويىنشا ەل قورجىنىناالعاشقى التىندى سالدى.
بۇل قازاقستان ءۇشىن وسى ازيا ويىندارىنداعى العاشقى التىن مەدال بولدى. قازاقستان فينالدا جاپونيانى (ەكىنشى ورىن) جانە قىتايدى ء(ۇشىنشى ورىن) باسىپ وزدى. ال فاۆوريت وڭتۇستىك كورەيا كومانداسى جازالاۋ ۇپايلارىن الدى.
