Tarıhta bolmaǵan qaýip: 16 mıllıard qupııasóz taralyp ketken

Apple, Google, Facebook, GitHub, Telegram, tipti memlekettik platformalarǵa deıin – barlyǵynyń qupııasózderi ınternetke tarap ketti. Zertteýshiler 16 mıllıard logın men paroldiń aýqymdy bazasy jarııa bolǵanyn rastady. Bul ınternet tarıhyndaǵy eń kóp derektiń taralýy sanalyp otyr, dep habarlaıdy qandastar.kz forbes.com-ǵa silteme jasap.

Cybernews zertteýshileri dereterdiń taralýyn jyl basynan beri baqylap kelgen. Olardyń aıtýynsha, árqaısysynda ondaǵan mıllıonnan 3,5 mıllıardqa deıin jazbalar bar 30-ǵa jýyq derekter jıyntyǵy tabylǵan. Jalpy sany – 16 mıllıard.

Qupııasózdiń jarııa bolýy – akkaýnttyń buzylýyna, al akkaýnttyń buzylýy bank kartalaryńyzdan bastap jeke hattaryńyzǵa deıin báriniń qaýipke túsýine alyp keledi. Sol sebepti Google mıllıardtaǵan qoldanýshyny qupııasózdiń ornyna qaýipsizrek passkey-ge kóshýdi usynýda. Al FBI qoldanýshylarǵa SMS arqyly kelgen siltemelerge baspaýǵa keńes berip otyr.

Qupııasózderińizdi shuǵyl aýystyryńyz. Ár túrli platformada birdeı qupııasóz qoldanýdan bas tartyńyz. Eki faktorly aýtentıfıkaııany qosyńyz. Qupııasózderdi saqtaý úshin senimdi menedjer qoldanyńyz (mysaly, 1Password, Bitwarden).

Mamandardyń paıymdaýynsha, mundaı aýqymdy aǵyp ketýge birneshe ınfostıler – ıaǵnı, jeke derekterdi urlaıtyn zııandy baǵdarlamalar sebep bolǵan. Bul quraldar paıdalanýshynyń qurylǵysynan logınder men qupııasózderdi avtomatty túrde urlap, keıin olardy qara naryqta satady.