تاسقىنعا توسقاۋىل: پرەزيدەنت زارداپ شەككەندەرمەن كەزدەستى

مەملەكەت سۋ تاسقىنىنان زارداپ شەككەندەردىڭ شىعىنان وتەۋگە كومەكتەسەدى. جاعدايدى جەكە باعامداۋ ءۇشىن باتىس قازاقستان وبلىسىنا بارعان پرەزيدەنت تۇرعىندارمەن كەزدەسىپ, قارجىلىق قولداۋ بولاتىنىن ايتتى.

سونداي-اق وڭىردەگى جاعدايدىڭ ۋشىعىپ كەتۋى مۇمكىن ەكەنىنە توقتالىپ, جەكە شتاب وتىرىسىن وتكىزدى. قاسىم-جومارت توقاەۆتىڭ ايتۋىنشا, مۇنداي كولەمدى تاسقىن بۇرىن-سوڭدى بولماعان.

1994 جىلى وسىعان ۇقساس جاعداي بولىپتى, الايدا قازىرگى سۋ تاسقىنى ودان الدەقايدا اۋقىمدى. ايماقتاعى احۋال قالاي? تۇرعىندار پرەزيدەنتكە نەنى باياندادى? پرەزيدەنت بورتى ورال اۋەجايىنا قونا سالىسىمەن قاسىم-جومارت توقاەۆ تىكۇشاققا بەتتەدى.

ايماقتاعى احۋالدى ۋاقىت جوعالتپاي بارلاپ, باعامداعىسى كەلسە كەرەك. سەبەبى قارعىن سۋدان كەلەر قاۋىپ سەيىلمەي تۇر. اۋىلدى شايماق تۇگىلى ۇيلەردى قيراتىپ, كوپىرلەردى بۇزىپ جاتىر «قىزىل سۋ ءبىر مەزەتتە قاپى قالدىردى». كۋاگەرلەر وسىلاي دەپ,

امان قالعانىنا تاۋبە ەتەدى. قاراتوبە اۋدانى تابيعات اپاتىنا وتكەن اپتادا تاپ بولدى. جەرگىلىكتى تۇرعىندار قاۋىپسىز جەرگە قايىق نەمەسە تىكۇشاقتىڭ كومەگىمەن جەتكىزىلدى.

قۋانىشقالي قايرەكەن, اققوزى اۋىلىنىڭ تۇرعىنى: — سۋ 27-ءسى كۇنى ساعات 10-داردا قاتتى كەلدى. قاتتى كەلىپ, ءۇيدى سۋ شايدى. ىشىنە كادىمگى. 40 سانتيمەتر ءۇيدىڭ ىشىنە سۋ كىردى. بالا-شاعا, نەمەرەمىزدى تەرەزەدەن الىپ شىقتىق. ماشينانىڭ ىشىندە بالالاردى ۇستاپ وتىردىق, قايىق كەلگەن.

كەيىن قايىق كەلىپ, مەكتەپكە جينادى. ءبارىمىزدى. توڭازىتقىش, ءبارى سۋعا كەتتى ىشىندەگى. توسەكتەر دە سۋعا. پەش قۇلاپ, قارا كۇيە باسىپ كەتكەن ءۇيدىڭ ءۇستىن. ەكى پەش قۇلادى. بەكزات امانوۆ, ءتىلشى: — وسى قالدىقايتى وزەنىنىڭ ەكى جاعىن 22 اۋىل جاعالاي قونىستانعان. مۇندا ادەتتە جازدا سۋ تاياز, جاياۋ كەشىپ وتۋگە بولادى. ال قىستا سۋدىڭ ارناسى تولادى. الايدا بيىل جاعداي تىم كۇردەلى. وسىدان بىرنەشە كۇن بۇرىن عانا تاسقىنعا توتەپ بەرە الماي,

ارتىمدا تۇرعان وتكەن قيرادى. وسىلايشا, جاعانىڭ ارعى بەتىندەگى 8 اۋىلمەن بايلانىس ءۇزىلدى. قازىر ول جاقتاعى تۇرعىندارعا تەك تىكۇشاقپەن عانا كومەك كورسەتىلىپ جاتىر. راۋان قاشقىنباەۆ, وبلىستىق تجد №2 مامانداندىرىلعان ءورت ءسوندىرۋ ءبولىمى باستىعىنىڭ ورىنباسارى: — ادامداردى وتكىزەمىز, كەرەك-جاراق, تاماقتارى بار. ونىڭ ىشىندە جانار-جاعارماي بار, ءدارى-دارمەك بار. 2-ءسى كۇنى تاڭنان باستاپ 200-دەن استام ەرەسەك ادام مەن 35 كىشكەنتاي بالالار وتكىزىلدى.

ال ءۇيى قيراپ, دالادا قالعان 182 تۇرعىن اۋدان ورتالىعىنداعى ەۆاكۋاتسيالىق ورتالىققا ورنالاستى. ولار: «مۇنداعى جاعدايدا قارىن توق, كويلەك كوك», – دەيدى. دەسە دە بولعان جاعدايعا قىنجىلادى. بيبىگۇل رايىموۆا, قورجىن اۋىلىنىڭ تۇرعىنى: — ءۇيىمىز قۇلاپ جاتىر ءبارى. ەندى ارتىنىڭ قايىرىمەن. قۋانىشتىمىز, باسشىلار كەلىپ, جان-جاقتان كىسىلەر كەلىپ كومەكتەسىپ جاتىر. مىڭ العىس ايتامىز. وسى جەرگە اكەلىپ, ەگەر تۇندە تاسىسا, سۋدىڭ استىندا قالامىز. 1 ادام شىعا الماي قالامىز. بىزدە باسپانا عوي ەندى. ەسىڭە تۇسكەندە ءوز ءۇيىڭ ءوز توسەگىڭ دەگەندەي. ءوڭىر بويىنشا كوشىرىلگەن تۇرعىننىڭ سانى 7 مىڭعا جۋىق.

باسىم بولىگى باسپاناسىن بازىنالاپ ءجۇر. قامكوڭىل بولعان قالىڭ قاراشا بۇگىن تالاپ-تىلەگىن پرەزيدەنتكە جەكە ايتتى. قاسىم-جومارت توقاەۆ شىعىندى وتەۋ ءۇشىن مەملەكەت بارلىق شارانى قابىلدايتىنىن ايتتى. قاسىم-جومارت توقاەۆ, قازاقستان رەسپۋبليكاسىنىڭ پرەزيدەنتى: — حال-جاعدايلارىڭىزدى ءبىلۋ ءۇشىن ارنايى كەلىپ وتىرمىن. بۇل – بۇرىن-سوڭدى بولماعان ۇلكەن تابيعي اپات. سوندىقتان ءبارىمىز ءبىر ەل, ءبىر حالىق بولىپ ارەكەت ەتۋىمىز كەرەك. مەملەكەت, ۇكىمەت بارشاڭىزعا قول ۇشىن بەرەدى. ماتەريالدىق, قارجىلىق كومەك كورسەتەدى. وعان ەش الاڭداماڭىزدار. ءبارى دۇرىس بولادى. تۇرعىندار مەملەكەت باسشىسىنا جاعدايدىڭ جاي-جاپسارىن بۇكپەسىز بايانداپ بەردى.