جاڭالىقتار
تاسقىننان كەيىن كەي اۋىلدار تىڭ جەرلەرگە قونىستانادى
تاسقىن اياقتالعان سوڭ كەيبىر اۋىلدار تىڭ جەرگە قونىستانىپ, جاڭادان بوي كوتەرەدى. ولارعا جول سالىنىپ, سۋ تارتىلادى. تيىسىنشە ەلدى مەكەندەر مۇلدە جاڭا كەلبەتكە يە بولماق. پرەزيدەنت ۇلكەن داعدارىستاردىڭ قارقىندى دامۋعا جول اشاتىنىن نازارعا الا وتىرىپ, وسىلاي دەدى. سونداي-اق الاپات تاسقىن ەلگە وڭ اسەرىن تيگىزەدى دەپ ويلايتىنىن ايتتى. ودان بولەك, مەملەكەت باسشىسى ءوزىنىڭ باستى مىندەتىن دە اتاپ ءوتتى. بۇل – قازاقستان رەسپۋبليكاسىنىڭ تاۋەلسىزدىگىن قورعاۋ. ال بۇل قاستەرلى مىندەت ادىلەتتى قازاقستاندى قۇرۋ جانە بەلسەندى ءارى سىندارلى سىرتقى ساياسات جۇرگىزۋ ارقىلى عانا ورىندالادى. «بيىك ماقساتقا جەتۋ ءۇشىن ءتۇرلى كەدەرگىدەن وتەمىز, بارلىق قيىندىقتى جەڭەمىز. اۋقىمدى مىندەتتەردى ورىندايمىز», – دەدى قاسىم-جومارت توقاەۆ.
