TASQYNNAN KEIIN KEI AÝYLDAR TYŃ JERLERGE QONYSTANADY

Tasqyn aıaqtalǵan soń keıbir aýyldar tyń jerge qonystanyp, jańadan boı kóteredi. Olarǵa jol salynyp, sý tartylady. Tıisinshe eldi mekender múlde jańa kelbetke ıe bolmaq. Prezıdent úlken daǵdarystardyń qarqyndy damýǵa jol ashatynyn nazarǵa ala otyryp, osylaı dedi. Sondaı-aq alapat tasqyn elge oń áserin tıgizedi dep oılaıtynyn aıtty. Odan bólek, Memleket basshysy óziniń basty mindetin de atap ótti. Bul – Qazaqstan Respýblıkasynyń Táýelsizdigin qorǵaý. Al bul qasterli mindet Ádiletti Qazaqstandy qurý jáne belsendi ári syndarly syrtqy saıasat júrgizý arqyly ǵana oryndalady. «Bıik maqsatqa jetý úshin túrli kedergiden ótemiz, barlyq qıyndyqty jeńemiz. Aýqymdy mindetterdi oryndaımyz», – dedi Qasym-Jomart Toqaev.