جاڭالىقتار
تاسقىننان زارداپ شەككەندەردىڭ نەسيەسى شەگەرىلەدى
قارجى نارىعىن رەتتەۋ جانە دامىتۋ اگەنتتىگى بانكتەرمەن جانە ميكروقارجى ۇيىمدارىمەن بىرلەسىپ, شاعىن جانە ورتا بيزنەس سۋبەكتىلەرىن قولداۋ تەتىكتەرىن ىسكە اسىرۋعا كىرىستى. اگەنتتىك وكىلى قايرات تۇرىمتاەۆتىڭ ايتۋىنشا, نەسيەنى تولەۋ اۆتوماتتى تۇردە 1 ساۋىردەن 30 ماۋسىمعا دەيىن شەگەرىلدى. زارداپ شەككەن ءاربىر قارىز الۋشىنىڭ جاعدايىنا جەكە تالداۋ جۇرگىزەدى. وسىلايشا كرەديتتەر بويىنشا دەربەس قولداۋ كورسەتۋدىڭ قوسىمشا شارالارى ايقىندالادى.
بۇل دا – مەملەكەت باسشىسىنىڭ قارعىن سۋدان زارداپ شەككەندەرگە كومەك كورسەتۋ تۋرالى تاپسىرماسى شەڭبەرىندە قولعا الىنعان شارا. قايرات تۇرىمتاەۆ, قر قنردا قارجى قىزمەتتەرىن تۇتىنۋشىلاردىڭ قۇقىقتارىن قورعاۋ دەپارتامەنتى ديرەكتورىنىڭ ورىنباسارى: — زارداپ شەككەن ازاماتتاردىڭ كرەديتتەرى بويىنشا سۋ تاسقىنى سالدارىنىڭ ىقپالىنا بايلانىستى تۋىنداعان تولەمدەردىڭ كەشىكتىرىلگەنى ءۇشىن ايىپپۇلدار مەن ءوسىمپۇلدار كەيىنگە قالادى.
زارداپ شەككەن بارلىق دارا كاسىپكەرلەرگە, سونداي-اق سۋ تاسقىنى شارۋاشىلىق قىزمەتتىڭ بۇزىلۋىنا اكەپ سوققان شاعىن جانە ورتا بيزنەس سۋبەكتىلەرىنىڭ بەرگەن وتىنىشتەرى ەسكەرىلە وتىرىپ, كرەديتتەر بويىنشا تولەمدەردى كەيىنگە قالدىرۋ مۇمكىندىگى بەرىلەتىن بولادى.
